Колькасць хворых на кавід расейцаў цяпер у тры разы вышэйшая, чым у гэты ж перыяд летась. Пра гэта расійскім СМІ паведаміла віцэ-прэм'ер Расіі Таццяна Голікава.
«Рост захворвання на новую каранавірусную інфекцыю з пачатку верасня 2021 года склаў амаль 31%, сярэднетыднёвы паказчык за пяць тыдняў склаў 96,9 выпадкаў на 100 тысяч насельніцтва. Гэта ў 3,1 разу больш, чым у аналагічным перыядзе мінулага года», — сказала чыноўніца.
Голікава заявіла таксама, што ўрад Расіі выпрацаваў шэраг захадаў для абароны насельніцтва без увядзення лакдаўну.
У Расіі грамадзяне не маюць магчымасці атрымаць ні адну з зацверджаных СААЗ вакцын супраць COVID-19.
Каментары