У Германіі пры ўездзе з Польшчы затрымалі 33-гадовага беларуса з-за здзейсненага ім раней парушэння, піша «Беларусь і свет» са спасылкай на паліцыю зямлі Мекленбург — Пярэдняя Памеранія.
Нашага суайчынніка праверылі ў панядзелак 16 чэрвеня на памежным пераходзе Памелен, калі ён ехаў пасажырам у аўтамабілі з польскімі нумарамі.
«Прагон» па базах паказаў, што мужчыну шукаюць у сувязі з выдадзеным пракуратурай Мюнхена ордарам з-за выяўленага факту незаконнага знаходжання ў краіне без пашпарта.
Ён павінен быў выплаціць штраф 2 360 еўра і судовыя выдаткі ў памеры 77,50 еўра. Нясплата магла пацягнуць за сабой альтэрнатыўнае пакаранне — 29 дзён зняволення.
Пасля выплаты ўсёй пазначанай сумы грамадзяніна тым жа ранкам вызвалілі. Пры ўездзе ў Германію беларус сплаціў буйны штраф.
Цяпер чытаюць
Ціханоўскі — беларусам: «Калі вы чакалі знак, то вось ён». Праходзіць прэс-канферэнцыя з вызваленымі палітвязнямі10
Каментары