Максім Знак і Людміла Казак — лаўрэаты прэміі IBA за ўнёсак у абарону правоў чалавека
Узнагароджанне прайшло сёння анлайн у рамках міжнароднай выставы International Bar Association. Максім Знак і былая абаронца Марыі Калеснікавай Людміла Казак сталі першымі беларусамі-лаўрэатамі прэміі IBA.
Словы падзякі ад Максіма перадала яго жонка і адвакат:
— За кожным тыранам у гісторыі стаялі адвакаты, пракуроры і суддзі, якія апраўдвалі яго кіраванне і каралі яго праціўнікаў за іх неіснуючыя злачынствы, — цытавала мужа Надзея Знак. — Забываючы пра дух закона, юрысты адчыняюць скрыню Пандоры, якая з часам іх і паглыне. Махлярства з законам заўсёды мае свае наступствы. Я заклікаю ўсіх нас, юрыстаў, прыняць вядомае залатое правіла і заўсёды разглядаць закон і справядлівасць як нашу першачарговую мэту, а не як інструмент. Для мяне вялікі гонар атрымаць такую ўзнагароду, і я зраблю ўсё магчымае, каб ёй адпавядаць.
Лаўрэатка прэміі Людміла Казак падчас сваёй прамовы адзначыла важнасць міжнароднага прызнання:
— Ва ўмовах рэпрэсій і адсутнасці легальных механізмаў абараніць сваіх калег нам вельмі важная падтрымка сусветнай юрыдычнай супольнасці. Я падзяляю гэтую ўзнагароду з усімі маімі калегамі, якія, нягледзячы ні на што, абаранялі, працягваюць і, я ўпэўненая, працягнуць абараняць беларусаў і адстойваць прынцыпы прафесіі адваката.
Міжнародная асацыяцыя юрыстаў (IBA) была заснавана ў 1947 годзе і з'яўляецца самай прэстыжнай асацыяцыяй адвакатаў, міжнародных юрыстаў-практыкаў, асацыяцый адвакатаў і юрыдычных таварыстваў. На гэты момант у IBA ўваходзіць больш за 80 000 індывідуальных юрыстаў і 190 асацыяцый адвакатаў і юрыдычных таварыстваў.
-
Памёр бізнэсмен з 90-х Аляксандр Сманцар. Гэта ён у 2010 званіў Статкевічу на Плошчу і заклікаў «сядаць у крэсла Сідорскага»
-
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер
-
Нямецкі дэпутат, які мае пад Лідай фірму па перапрацоўцы цыбулі, выклікаў паліцыю на журналістаў і былога беларускага вязня
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3
Каментары