Аб гэтым заявіў прэзідэнт Уладзімір Зяленскі падчас анлайн-марафона з журналістамі.
«Ёсць вялікія выклікі ўнутры дзяржавы, якія фіксуюць разведкі іншых краін. Напрыклад, атрымалі інфармацыю, што 1 снежня будзе дзяржаўны пераварот. Мне здаецца, важная інфармацыя, 1-2 снежня. Я казаць і дзяліцца інфармацыяй не маю права», — цытуе Зяленскага РБК-Украіна.
Кіраўнік Украіны назваў датычным да падрыхтоўкі перавароту алігарха Рыната Ахметава. Аднак, па словах Зяленскага, ён не верыць, што Ахметаў будзе ўдзельнічаць у гэтым.
Таксама Зяленскі зазначыў, што верагоднасць поўнамаштабнай вайны з Расійскай Федэрацыяй захоўваецца кожны дзень. Але ўкраінскі бок гатовы да любой эскалацыі.
«Мы ў стане вайны ўжо восем гадоў. Я лічу, што такая магчымасьць можа быць штодня… Сёння ідзе запалохванне з некаторых СМІ, што заўтра будзе вайна… Мы цалкам кантралюем межы і гатовыя да любой эскалацыі», — адзначыў ён.
Адносіны паміж прэзідэнтам Зяленскім і алігархам Рынатам Ахметавым пачалі псавацца пасля прыняцця па ініцыятыве Зяленскага антыалігархічнага закона, які, у прыватнасці, абмяжоўвае ўплыў алігархаў на медыйную сферу. Таксама адносіны пагоршыліся праз звальненне спікера Рады Дзмітрыя Разумкова (які галасаваў супраць антыалігархічнага закона) і змену манеры камунікацый прадстаўнікоў офіса Зяленскага з Ахметавым і яго людзьмі.
Украінская апазіцыя ў сваёй крытыцы Зяленскага цяпер таксама абапіраецца на медыйную падтрымку алігарха Рыната Ахметава. Алігархічныя тэлеканалы пад кантролем Ахметава пачалі штучна тапіць рэйтынг Зяленскага — штодзённай крытыкай у сваіх навінах і ток-шоу, запрашэннем у праграмы апазіцыйных да Зяленскага палітыкаў, якіх туды раней проста не пускалі. Замест нейтралітэту да Зяленскага з боку алігархаў пачалася крытыка.
Каментары