Каб скрасці ў 82-гадовага пенсіянера грошы, спачатку яму званілі «банкіры», а пасля — «падпалкоўнік КДБ»
Пра незвычайную схему кібермахлярства пішуць «Мінск-Навіны».
Пенсіянеру на Viber патэлефанаваў мужчына, які назваўся работнікам Беларусбанка. Ён папрасіў пенсіянера назваць пашпартныя звесткі, бо нібыта да дэпазітаў атрымалі доступ злачынцы і трэба ратаваць зберажэнні. Адчуўшы нядобрае, пажылы мужчына адмовіўся гэта рабіць.
Пасля на працягу некалькіх дзён яму працягвалі тэлефанаваць з іншых нумароў і пад рознымі падставамі спрабавалі пераканаць яго зняць грошы для наступнага залічэння на іншы рахунак. Але пенсіянер зноў адмовіў.
Але ўрэшце дзядулі пазваніў «падпалкоўнік КДБ» і паведаміў, што супрацоўнікі банка вартыя даверу і што неабходна прытрымлівацца іх указанняў. Маўляў менавіта КДБ курыруе спецаперацыю. Дзядулі прызначылі новага «агента» ад банка, якой усё ж удалося ўвесці яго ў зман. Прытрымліваючыся ўсіх указанняў, ён пазбавіўся больш за 83 тысяч рублёў.
Былы выкладчык Іняза перайшоў на беларускую ў эміграцыі. Ён разважае пра лёс універсітэта, беларусаў за мяжой і адрозненне нас ад палякаў4
Каментары