Ва Украіне намеснік міністра адукацыі звольніўся праз фота з брунеткай з занадта смелым дэкальтэ
Кабмін Украіны звольніў намесніка міністра адукацыі Ігара Гарбарука паводле яго жадання. Чыноўнік напісаў заяву пасля таго, як у сацсетках разгарэўся скандал вакол сукенкі яго спадарожніцы.
25 снежня ў сацсетках з'явіліся фота, на якіх стаяць мэр Львова Андрэй Садавы, намеснік міністра адукацыі Ігар Гарбарук і Крысціна Тышкун — брунетка ў чорнай прыталенай сукенцы з вельмі адкрытым дэкальтэ, піша Бі-бі-сі — Украіна.
Намеснік міністра прадставіў дзяўчыну як сваю памочніцу.
Гарбарук і Цішкун прыехалі ў Львоў, каб паглядзець, як працуюць вучэбна-практычныя цэнтры ў прафтэхвучылішчах.
На фота Крысціна Тышкун пазіруе ў сукенцы з вялікім дэкальтэ і аголенымі плячыма. Прычым на нагах у дзяўчыны — батфорты на шпільках, а на шыі — крыжык.
На іншым фота Тышкун накінула футра.
«Дзяўчынка з крыжыкам», «цыцкагейт», «вы альбо крыжык здыміце, альбо трусы надзеньце» — так з'едліва рэагавалі сацсеткі на гэты вобраз.
Карыстальнікі таксама знайшлі ў Інстаграме Крысціну Тышкун, там у яе аказалася шмат вельмі смелых фота, і пачалі абмяркоўваць.
«Ваў, намеснікі міністраў атрымалі новую уніформу! — пракаментаваў выгляд памочніцы міністра журналіст Аляксандр Курбатаў. — Бачу духоўнасць і хрысціянскія каштоўнасці».
«Петра, гэта ты?» — піша карыстальніца Кацярына Куніцкая, намякаючы на нядаўні скандал вакол серыяла Nefliх. Украінцаў абурыла, як вульгарна там паказалі кіяўлянку па імені Петра.
«Дрэс-код менавіта таму і існуе, каб пазбягаць такіх канфузаў», — дадала Куніцкая.
Ёсць і тыя, хто абараняе Цішкун. «А можна спытаць, у чым менавіта праблема сукенкі прыватнай асобы?» — цікавіцца экс-міністр Дзмітрый Залатухін.
Тым часам карыстальнікі паспелі стварыць і пару мемаў.
Застаецца незразумелым, ці сапраўды Крысціна Тышкун была памочніцай палітыка. Афіцыйнай інфармацыі пра гэта нідзе няма.
Мяркуецца, што дзяўчына з'яўляецца дырэктарам кампаніі БК «Забудова», якая займаецца купляй і продажам нерухомасці.
Таксама мясцовыя журналісты пішуць, што яна нарадзілася 30 жніўня 1994 года ў Львове і з'яўляецца юрыстам, памочнікам адваката ў адвакацкім бюро Advisers.
Цяпер чытаюць
«Яны мяне саромеюцца». Як праз 12 гадоў жыве беларуска, што нарадзіла двайнят у 54 гады28
Каментары