Пяскоў назваў Расію апошняй краінай, якая жадае прамовіць слова «вайна»
У гісторыі Расіі было мноства войнаў, краіна — апошняя ў Еўропе, якая хацела б нават прамаўляць слова «вайна», заявіў прадстаўнік прэзідэнта Дзмітрый Пяскоў у эфіры тэлеканала «Расія 1».
«Нагадваем, што Расія на працягу ўсёй сваёй гісторыі ніколі ні на каго не нападала. І Расія, якая перажыла столькі войнаў, — гэта апошняя краіна ў Еўропе, якая наогул хоча нават прамаўляць слова «вайна», — сказаў Пяскоў.
Ён таксама нагадаў, што Масква заклікае еўрапейскія краіны «да розуму» і папрасіў іх задаць сабе пытанне: «Які сэнс Расіі на кагосьці нападаць?».
Напярэдадні генеральны сакратар NATO Енс Столтэнберг заявіў, што Расія не адводзіць войскі ад мяжы з Украінай, а, наадварот, нарошчвае сваю ваенную прысутнасць там. На яго думку, гэта кажа пра «вельмі і вельмі высокую» рызыку ўварвання.
Сітуацыя вакол Украіны. Што адбываецца ў нядзелю, 20 лютага
Цяпер чытаюць
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў8
Каментары