Піневіч: Колькасць захворванняў на кавід знізілася на 30 працэнтаў
Спецыялісты ўжо не адзначаюць ранейшай нагрузкі на амбулаторна-паліклінічнае звяно, расказаў сёння міністр аховы здароўя Дзмітрый Піневіч падчас адкрыцця музея гісторыі Беларускай медыцынскай акадэміі паслядыпломнай адукацыі,
«Мы падлічылі, што зніжэнне захворвальнасці на кавід склала каля 30 працэнтаў. Спецыялісты ўжо не адзначаюць ранейшай нагрузкі на амбулаторна-паліклінічнае звяно. Гэтая хваля характэрная тым, што шпіталізацыя значна меншая, чым увосень, але ўсё роўна цяжкія пацыенты ёсць. Таму важна прышчапляцца, берагчыся, ні ў якай меры не зніжаць меры засцярогі», — расказаў міністр;
«Вакцынацыя і рэвакцынацыя — адзін з дзейсных спосабаў. І, апярэджваючы ваша пытанне, так: вакцыны дзейнічаюць і на падвіды штама «амікрон», — сказаў міністр.
Дзмітрый Піневіч таксама заўважыў, што заходнія краіны цалкам паўтараюць беларускую мадэль барацьбы з пандэміяй: яны прыходзяць да таго, што Беларусь зрабіла раней.
Нагадаем, што некалькі дзён у Беларусі фіксавалася больш за восем тысяч выпадкаў кавіду за дзень.
Максімум быў названы 13 лютага — 8 921 выпадак, у мінулы чацвер — 8 248, у пятніцу — 8 184 выпадкі, у суботу — 7856, у нядзелю 7 283 выпадкі, учора Мінздароўя паведаміла пра 4 365 выпадкаў.
Але традыцыйна ў панядзелак і аўторак паведамляюцца меншыя лічбы, чым у астатнія дні тыдня.
-
На святкаванні Дня беларускага пісьменства Пяткевіч знайшла для сябе найлепшы антыдэпрэсант
-
Электронныя табло з раскладам больш не будуць вешаць на прыпынках. У Мінсктрансе патлумачылі прычыны
-
Узламаны акаўнт «Лініі Сталіна» пачаў публікаваць зводкі пра сотні збітых над Расіяй беспілотнікаў — ніхто не заўважыў падвоху
Каментары