Мінабароны: Беларускія вайскоўцы удзелу «ў спецаперацыі на Данбасе не бяруць»
Пра гэта гаворыцца ў заяве памочніка міністра абароны па ідэалагічнай працы ва Узброеных сілах — галоўнага ідэолага Мінабароны Леаніда Касінскага. З відэа незразумела, ці сёння яно было запісанае.
«Звесткі, што распаўсюджваюцца ў інтэрнеце, наконт удзелу Узброеных сіл Рэспублікі Беларусь у спецаперацыі, што праводзіцца на Данбасе, не адпавядаюць рэчаіснасці. Злучэнні і вайсковыя часткі УС РБ знаходзяцца ў пунктах пастаяннай дыслакацыі, выконваюць план падрыхтоўкі УС РБ у адпаведнасці з задачамі. Часткі сіл і сродкаў выведзеныя для ўмацавання паўднёвай мяжы з мэтай выключэння пранікнення з Украіны дыверсійна-разведвальных груп, а таксама выключэння паставак зброі і боепрыпасаў», — заявіў Касінскі.
Каментары