Мілінкевіч сустрэўся з міністрам замежных спраў Славакіі
Аляксандр Мілінкевіч абмеркаваў з кіраўніком знешнепалітычнага ведамства Славакіі Міраславам Лайчакам сацыяльную, эканамічную і палітычную сітуацыю ў Беларусі.
Аляксандр Мілінкевіч абмеркаваў з кіраўніком знешнепалітычнага ведамства Славакіі Міраславам Лайчакам сацыяльную, эканамічную і палітычную сітуацыю ў Беларусі.
Палітыкі абмеркавалі крокі, якія павінна зрабіць Беларусь на шляху дэмакратызацыі і лібералізацыі палітычнага жыцця краіны.
Лідэр Руху «За Свабоду» са шкадаваннем адзначыў, што лібералізацыя на дадзены момант мае павярхоўны характар, сістэмных і структурных зрухаў не адбываецца. У краіне па‑ранейшаму ёсць палітычныя зняволеныя, няма прагрэсу ў справе ваўкавыскіх прадпрамальнікаў, не рэгіструюцца палітычныя партыі (Партыя БХД, Партыя Свабоды і Прагрэсу) і НДА; большасць незалежных газет не маюць доступу к манапалізаванай сістэме распаўсюду; змены у выбарчы кодэкс рыхтуюцца без грамадскага абмеркавання.
У размове з Міраславам Лайчакам Аляксандр Мілінкевіч выказаў перакананне, што дынаміка і інтэнсіўнасць супрацы Еўразвязу і міжнародных арганізацый мусяць залежыць ад канкрэтных крокаў беларускіх уладаў па набліжэнні да еўрапейскіх стандартаў у галіне правоў чалавека і дэмакратыі. Гэты працэс не можа мець аднабаковы рух.
Сустрэча Аляксандра Мілінкевіча і Міраслава Лайчака адбылася ў Мінску 6 верасня і доўжылася амаль гадзіну.
Цяпер чытаюць
«Абмяркоўваем пытанне аб вызваленні яшчэ 1300 зняволеных». Трамп расказаў, пра што гаварыў з Лукашэнкам34
Каментары