Літоўскі гігант дрэваапрацоўкі VMG Group прыпыніў бізнэс у Беларусі
Завод у Магілёве не працуе, інвестыцыі ў праект у СЭЗ «Віцебск» прыпыненыя. Што будзе з актывамі далей, пакуль не вырашана, піша BNS са спасылкай на гендырэктара кампаніі Эгідыюса Моцкуса.
Па яго словах, што рабіць з беларускімі актывамі, пакуль абмяркоўваюцца. Праца прадпрыемстваў VMG была прыпыненая на пачатку сакавіка. У Беларусі вырабляліся тавары для IKEA.
VMG WoodArt была створаная ў 2018 годзе сумесна з партнёрам па праекце, шведскай групай гандлю мэбляй Ikea. VMG тады абвясціла, што плануе інвеставаць у кампанію каля 80 мільёнаў еўра і стварыць каля 600 працоўных месцаў.
У 2018 годзе Еўрапейскі банк рэканструкцыі і развіцця даў групе VMG крэдыт у памеры 50 млн еўра пад праект развіцця фабрыкі ў Магілёўскай вобласці. Тады паведамлялася, што пасля яго рэалізацыі будзе створана больш за 200 новых працоўных месцаў, а агульная колькасць работнікаў перавысіць 1,7 тыс.
У мінулым годзе адзіны акцыянер VMG Group Сігітас Паўлаўскас паведаміў BNS, што ў 2022 годзе група плануе пашырыць свае беларускія заводы.
Групе VMG у Магілёўскай свабоднай эканамічнай зоне (СЭЗ) належыць фабрыка па вытворчасці драўнінна-стружкавых пліт, мэблі і дэталяў з клеенай драўніны, у Віцебскай СЭЗ — фабрыка па вытворчасці мэблі з масіву дрэва.
VMG Group валодае 27 кампаніямі з больш чым 5000 супрацоўнікаў.
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх5
Каментары