З пачатку вайны кампаніі з Расіі і Беларусі сталі выканаўцамі дзяржзакупак ва Украіне на больш чым 2 мільёны даляраў
Пасля пачатку поўнамаштабнай вайны шэраг прадпрыемстваў з бенефіцыярамі з РФ або Беларусі не толькі прымалі ўдзел у закупках за кошт дзяржаўных сродкаў, але і станавіліся іх выканаўцамі: сума такіх закупак — каля 65 млн грыўняў (каля 2,2 млн даляраў). Пра гэта паведамляе Бюро эканамічнай бяспекі Украіны.
«Аналітыкі Бюро эканамічнай бяспекі Украіны выявілі, што пасля пачатку поўнамаштабнай вайны шэраг прадпрыемстваў з бенефіцыярамі з Расіі ці Беларусі не толькі бралі ўдзел у закупках за кошт дзяржаўных сродкаў, але і станавіліся іх пераможцамі. Гэта значыць, рэалізоўвалі тавары ці паслугі. Сума такіх закупак склала каля 65 млн мільёнаў грыўняў», — гаворыцца ў паведамленні.
Такія выпадкі ўстанавілі аналітыкі БЭБ падчас аналізу больш за 400 тысяч дзяржзакупак, дадалі ў ведамстве.
«Гэта недапушчальна, таму БЭБ будзе ініцыяваць разгляд пытання перад Кабінетам міністраў, каб цалкам забараніць допуск кампаній з Расіі і Беларусі да дзяржаўных закупак», — заявіў дырэктар БЭБ Вадзім Мельнік.
Цяпер чытаюць
«Забралі яго. Не кінеш жа, усё ж такі наш чалавек». Лукашэнка выказаўся пра Статкевіча15
«Забралі яго. Не кінеш жа, усё ж такі наш чалавек». Лукашэнка выказаўся пра Статкевіча
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары