Z pačatku vajny kampanii z Rasii i Biełarusi stali vykanaŭcami dziaržzakupak va Ukrainie na bolš čym 2 miljony dalaraŭ
Paśla pačatku poŭnamaštabnaj vajny šerah pradpryjemstvaŭ ź bienieficyjarami z RF abo Biełarusi nie tolki prymali ŭdzieł u zakupkach za košt dziaržaŭnych srodkaŭ, ale i stanavilisia ich vykanaŭcami: suma takich zakupak — kala 65 młn hryŭniaŭ (kala 2,2 młn dalaraŭ). Pra heta paviedamlaje Biuro ekanamičnaj biaśpieki Ukrainy.
«Analityki Biuro ekanamičnaj biaśpieki Ukrainy vyjavili, što paśla pačatku poŭnamaštabnaj vajny šerah pradpryjemstvaŭ ź bienieficyjarami z Rasii ci Biełarusi nie tolki brali ŭdzieł u zakupkach za košt dziaržaŭnych srodkaŭ, ale i stanavilisia ich pieramožcami. Heta značyć, realizoŭvali tavary ci pasłuhi. Suma takich zakupak skłała kala 65 młn miljonaŭ hryŭniaŭ», — havorycca ŭ paviedamleńni.
Takija vypadki ŭstanavili analityki BEB padčas analizu bolš za 400 tysiač dziaržzakupak, dadali ŭ viedamstvie.
«Heta niedapuščalna, tamu BEB budzie inicyjavać razhlad pytańnia pierad Kabinietam ministraŭ, kab całkam zabaranić dopusk kampanij z Rasii i Biełarusi da dziaržaŭnych zakupak», — zajaviŭ dyrektar BEB Vadzim Mielnik.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary