Беларуская актрыса, якая супрацоўнічала з украінскім гумарыстычным праектам «Дызель-шоу», былая кэвэзэшніца Марына Грыцук 17 дзён знаходзілася пад расійскай акупацыяй у Кіеўскай вобласці. Як яе адтуль вывозілі, расказаў кіраўнік праекта «Дызель-шоу» Ягор Крутагалоў.
Крутагалоў адзначыў:
«Адносна Марусі Грыцук. То яна трапіла ў акупацыю пад Кіевам. Яны 17 сутак прасядзелі без сувязі, без святла. На 17-ы дзень яе муж-беларус дамовіўся, каб яе забраць. За ёй прыехаў танк. Яна села ў танк і з'ехала ў Беларусь.
Яе муж артыст. Ён проста хацеў выратаваць сваю жонку. Мы не маглі дапамагчы», — сказаў Крутагалоў у праграме «Як ты?».
Марына Грыцук родам з Брэста, вучылася ў Брэсцкім дзяржаўным тэхнічным універсітэце. Падчас вучобы стала гуляць у КВЗ, спачатку за сваю ВНУ, а потым трапіла ў зборную Беларускага дзяржаўнага ўніверсітэта. Каманда БДУ за яе часамі двойчы станавілася чэмпіёнам вышэйшай лігі КВЗ, гэта быў яе залаты час. З 2004 года Грыцук працавала на беларускім тэлебачанні, у 2019 годзе далучылася да акцёрскага складу ўкраінскага «Дызель шоу».
З «Дызель-шоу» перад вайной таксама супрацоўнічалі беларусы Яўген Смарыгін і Дзмітрый Танковіч. Цяпер яны з Украіны мусілі выехаць, хоць у іншым інтэрв'ю Крутагалоў падкрэсліваў, што іхнія погляды — стопрацэнтна праўкраінскія:
«Тое, што яны ніколі не падтрымлівалі пуцінскую прапаганду — 100%. Яны не лічылі ўкраінцаў нацыстамі. Яны нармальныя пацаны, з якімі сябруем ужо гадоў 15—20. Ніколі ў іх не было імперскіх поглядаў на Украіну, яны нашы».
Чытайце таксама:
«Я не экстрэміст, а чалавек на баку праўды». Гумарыст Дзмітрый Танковіч стаў вядучым Nexta Live
«У вас няма шанцаў». Беларускі акцёр Яўген Смарыгін, які даўно жыве ва Украіне, выказаўся пра расійска-ўкраінскую вайну
Цяпер чытаюць
У Мінску перасабралі Ракаўскае прадмесце. Там ужо гуляюць, фатаграфуюцца і ядуць6
Каментары
надоели уже эти артисты-кавээнщики. не?
после зеленского, так особенно
нет ну я понимаю конечно, что я дура. и делаю, возможно, только хуже себе и возможно не только себе
то что - разве я должна молчать?