Як паведамілі ў МНС Беларусі, вечарам у суботу (у 19:23) у Ашмянах абрынуўся будынак зернесклада, размешчанага па вуліцы Чкалава. Абломкі абваленай канструкцыі і збожжа, якое захоўвалася ў памяшканні, завалілі мясцовую жыхарку, якой спатрэбілася дапамога.
Прыбыўшы на месца здарэння, ратавальнікі аказалі 40-гадовай жанчыне неабходную дапамогу, вызваліўшы яе з-пад абломкаў.
Як расказаў першы намеснік райаддзела МНС Аляксей Башкіраў, праз тое, што немагчыма было выкарыстоўваць аварыйны інструмент (пацярпелую прыціснула бэлькай), давялося працаваць уручную. Жанчына заставалася ў свядомасці, на пытанні супрацоўнікаў МНС адказвала, але пры гэтым скардзілася на цяжкасць дыхання і боль у нагах. Ратавальнікі ў гэты час адначасова разбіралі канструкцыі, якія абваліліся, страхавалі пацярпелую, вызвалялі ад збожжа і будаўнічых абломкаў ногі жанчыны.
Вызваліўшы пацярпелую, ратавальнікі перадалі яе работнікам хуткай дапамогі, якія прыбылі на выклік. Яны адправілі яе ў раённую бальніцу.
Прычыны і абставіны абвальвання будынка высвятляюцца.
Цяпер чытаюць
Каментары
дах, бачна, новы зрабілі. ну як дах... зашылі прафлістом...
а сцены... ну так - чыста пэндзлікам прайшліся... каб красіванька было