Мінгандлю прызнала незаконным платнае вяртанне тавару на Wildberries
У Міністэрстве антыманапольнага рэгулявання і гандлю растлумачылі, што плата за вяртанне кожнага тавару, які не падышоў пакупніку, ў краме Wildberries, незаконная.
У ведамстве адзначылі, што сродкі за тавар належнай якасці павінны быць вернутыя ў поўным аб'ёме не пазней, чым праз сем дзён з моманту куплі. Гэтае патрабаванне тычыцца ўсіх крам, і Wildberries — не выключэнне.
«Патрабаванне ў спажыўца аплаты за дастаўку вернутага тавару на склад мае прыкметы навязвання спажыўцу платных дадатковых паслуг, якія ён не замаўляў і якія паводле заканадаўства спажывец не абавязаны аплачваць», — дадалі ва ўстанове.
У выніку інтэрнэт-крама выканала прадпісанне Міністэрства — платнае вяртанне адменена.
Чытайце таксама:
Чаму Wildberries у Беларусі працягвае браць грошы за вяртанне тавару
Wildberries у Беларусі ўвёў плату за вяртанне кожнага тавару для ўсіх карыстальнікаў
Лукашэнка: Раман Пратасевіч — даўні супрацоўнік беларускай разведкі59
Каментары