Афіцыйная інфармацыя Саўміна аб пераносе працоўных дзён пакуль ёсць толькі на бліжэйшыя Каляды і Новы год. Даных наконт 2023-га яшчэ няма, але мы вырашылі паглядзець і прыкінуць, якая сітуацыя са святамі і выходнымі нас чакае ў наступным годзе.
Перш чым перайсці да зімовых святаў, распавядзем пра найбліжэйшыя доўгія выходныя — яны працягнуцца з 5 па 7 лістапада, бо апошняя дата — дзяржаўнае свята і выпадае на панядзелак.
Каталіцкае Раство, 25 снежня, будзе ў нядзелю, таму дадатковага адпачынку сёлета не прадбачыцца.
Навагоднія святы таксама выпадаюць на не самыя ўдалыя дні. 31 снежня — на суботу, 1 студзеня — на нядзелю. Але ж колькі год таму ў Беларусі афіцыйна замацавалі як выходны і 2 студзеня, таму адысці ад Новага года можна будзе яшчэ і ў панядзелак.
Праваслаўнае Раство, 7 студзеня, — гэта таксама субота. 8 сакавіка трапіць на сераду і, імаверна, гэта будзе адзін выходны сярод тыдня.
Радаўніца ў наступным годзе — 25 красавіка. Таму, згодна з традыцыяй, беларусаў дакладна чакае адпачынак у нядзелю 23-га, панядзелак 24-га і аўторак 25-га. Але ж у якую суботу мы будзем адпрацоўваць панядзелак, пакуль невядома: 22 красавіка ці праз тыдзень. Ад гэтага будзе залежаць, адпачынак працягнецца тры ці чатыры дні.
А там неўзабаве і майскія. 1 мая выпадзе на панядзелак, 9-га — на аўторак. Хутчэй за ўсё, 8 мая будзем таксама адпачываць, але ж паўстае тое ж пытанне, што і з Радаўніцай: на якую суботу перанясуць панядзельнічную працу.
3 ліпеня, афіцыйны Дзень Незалежнасці, будзе ў панядзелак. 7 лістапада праз год будзе ў аўторак (і зноў могуць атрымацца доўгія выходныя за кошт пераносу панядзелка).
Каталіцкае Раство ў 2023 годзе будзе адзначацца ў панядзелак, што дасць магчымасць пагуляць тры дні. А навагоднія святы з 2023 на 2024 год увогуле расцягнуцца на чатыры дні, бо 1 студзеня будзе ў панядзелак, а 2-га таксама афіцыйны выходны.
Цяпер чытаюць
«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог2
Каментары
нехта можа думаць пра Новы год?
але не адразу ацаніла)
а елачка і снегавічок такія... ну нічога сабе)
пры ўсёй нашай "любові" да народнай творчасці са старых пакрышак, тут мы бачым досыць такі варты варыянт
о, ніўка планаў панастроіла. ажна на 24-ты год... а тут не ведаеш ці дажывеш да гэтага...