Рой казурак можа назапашваць электрычнасць як навальнічнае воблака
Рой казурак можа мяняць электрычныя палі — ад сотняў да тысяч вольт на метр вышыні. Такія паказчыкі характэрныя для небіялагічных працэсаў назапашвання зарада — напрыклад, навальнічных аблокаў. Чым большы і шчыльнейшы рой, тым вышэйшыя велічыні. Яны нават могуць уплываць на фармаванне кропель воблачнасці. Да такіх высноў прыйшлі навукоўцы з Брыстальскага ўніверсітэта, піша Naked Science.

Фота ілюстрацыйнае
Навукоўцы вывучылі звесткі аб статычных зарадах электрычнасці, якія можа назапасіць адна казурка. Пасля гэтага яны змадэлявалі на камп'ютары паказчыкі шматлікіх рояў.
У залежнасці ад памеру цела казурка можа назапасіць ад мільярднай да трыльённай долі кулона электрычнасці. Гэта вельмі мала. Але на вышыні да пяці кіламетраў казуркі збіраюцца ў даволі вялікія тлумы, і іх зарады аб'ядноўваюцца ў сур'ёзныя велічыні.
Напрыклад, велізарны рой саранчы з дзясяткаў мільёнаў асобін можа ўплываць на рух мікракропель вады, часцінак пылу і нават на ўтварэнне воблачнасці.
-
Чаму хамелеоны круцяць вачыма ва ўсе бакі? Навукоўцы растлумачылі таямніцу «фатаграфічнага» позірку
-
«Нафіг візы. Я больш не буду ездзіць у краіны, якія не зацікаўленыя ў турыстах настолькі, што закрываюць межы»
-
«Ніводная краіна ў XXI стагоддзі не зможа дасягнуць сярэдняй працягласці жыцця ў 100 гадоў»
Каментары
ну я пра той рой, што выходзіў тым летам (2020)...