Чарговая зводка амерыканскага Інстытута вывучэння вайны прысвечана эканамічным і сацыяльным працэсам у Расіі, выкліканым мабілізацыяй. Вайсковыя эксперты адзначаюць, што Уладзімір Пуцін, верагодна, стварае ўмовы для працягу прыхаванай мабілізацыі, бо частковая мабілізацыя не дапамагла дасягнуць мэтаў Пуціна ва Украіне.
На думку ISW, прыхаваная мабілізацыя будзе працягнутая, паколькі прэзідэнт Расіі, з аднаго боку, кажа, што колькасць мабілізаваных у РФ склала 318 тысяч чалавек — нібыта за кошт добраахвотнікаў, а з іншага боку — у гэты ж самы дзень падпісвае закон, які дазваляе прызываць грамадзян з нязнятай ці непагашанай судзімасцю за цяжкія злачынствы (што на практыцы шырока прымянялася і да закона).
Расійскія ўлады таксама спадзяюцца, што прастымуляваць добраахвотнікаў можа падпісаны Пуціным указ, згодна з якім мабілізаваныя і нанятыя па кантракце вайскоўцы атрымаюць аднаразовыя выплаты ў памеры 195 тысяч рублёў. Аднак такія выплаты аказваюць ціск на расійскую эканоміку і могуць выклікаць сацыяльную напружанасць, калі Крэмль не выканае свае фінансавыя абавязацельствы перад удзельнікамі «спецыяльнай ваеннай аперацыі», — гаворыцца ў зводцы. Пакуль расійскія губернатары ўжо выпускаюць заявы, у якіх спрабуюць апраўдаць затрымкі з выплатай кампенсацый мабілізаваным і іх сем'ям.
Саміх жа мабілізаваных ужо спрабуюць выкарыстоўваць у наступальных аперацыях на данецкім кірунку. Вайсковыя эксперты спасылаюцца на галоўнакамандуючага УСУ Валерыя Залужнага, па словах якога, расійская армія ўтрая павялічыла інтэнсіўнасць баявых дзеянняў на асобных участках фронту. А ўкраінскі Генштаб паведаміў, што гэтыя наступальныя аперацыі — у кірунку Бахмута, Аўдзееўкі і заходняй часткі Данецкай вобласці. Пры гэтым у зводцы гаворыцца, што дрэнная падрыхтоўка, лагістыка і камандаванне могуць перашкодзіць расійскім вайскоўцам дасягнуць значных поспехаў, якія б істотна паўплывалі на ход вайны.
Іншая праблема Расіі — залежнасць ад іранскіх беспілотнікаў. Эксперты ISW адзначаюць, што гэта дазваляе Ірану аказваць большы ўплыў на расійскіх чыноўнікаў для падтрымкі сваёй ядзернай праграмы.
-
Колькі ўкраінцаў згодны на перамовы на любых умовах, а колькі за тое, каб ваяваць, пакуль не выйдуць на мяжу 2022 года
-
Сотні людзей прыйшлі ў Кіеве развітацца з маладой маці і яе дачкой, якія загінулі ад расійскага ўдару
-
«Узор крамлёўскай хлусні і пыхі». У Генштабе УСУ адрэагавалі на справаздачу расіян пра вынікі летняга наступу
Цяпер чытаюць
Рэпрэсіі разганяюцца ці запавольваюцца? Давайце лічыць3
Каментары