Па словах мэра горада Віталя Клічко, галоўнае святочнае дрэва ўкраінскай сталіцы будзе штучным, дванаццаць метраў у вышыню. Ялінку ўпрыгожаць энергазберагальнымі гірляндамі, якія будуць забяспечвацца генератарам. Побач з ім плануюць арганізаваць пункты для падзарадкі гаджэтаў.
Горад не будзе траціць грошы ні на ялінку, ні на ўпрыгожванні. Дрэва ўпрыгожаць цацкамі мінулых гадоў жоўтага і сіняга колераў, а таксама ў выглядзе галубоў. На вярхушцы ўсталююць герб Украіны, а ля падножжа — стэнды са сцягамі краін, якія дапамагаюць Кіеву падчас вайны.
Масавых мерапрыемстваў, фуд-кортаў і кірмашоў сёлета на Сафійскай плошчы не будзе.
У той жа час каля галоўнай ялінкі ў Кіеве можна будзе падзарадзіць тэлефон і іншыя гаджэты, паведаміў Клічко. Па яго словах, выдаткі возьме на сябе бізнэс. Каля ялінкі павінны паставіць генератар, а саму «лясную прыгажуню» ўпрыгожаць энергазберагальнымі гірляндамі.
Раней Клічко заявіў, што нельга «дазволіць Пуціну скрасці Каляды» і прыняў рашэнне аб усталяванні ялінкі. Хаця некаторыя былі супраць.
Асуджаны за «Гаюн» да хіміі брат Ігара Лосіка ўцёк з Беларусі3
Каментары