Wildberries паспрабаваў зменшыць тэрмін захоўвання тавараў, але ўрэшце адкруціў усё назад
5 снежня маркетплэйс Wildberries вырашыў абмежаваць перыяд, на працягу якога замовы можна захоўваць у пунктах выдачы, да 7 дзён — каб разгрузіць пункты выдачы ў перыяд распродажу і перадсвяточнага ажыятажу. Але ўжо 9 снежня ён перадумаў і вярнуў 14-дзённы тэрмін захоўвання тавараў, паведамляе Office Life.
Рэч у тым, што кліенты Wildberries адрэагавалі на змены вялікімі чэргамі ў пункты выдачы. Таму «для зручнасці пакупнікоў» маркетплэйс вымушаны быў адкруціць усё назад.
У Wildberries адзначылі «гарачую пару» пераднавагодніх пакупак і значны рост колькасці наведвальнікаў ва ўласных і партнёрскіх пунктах выдачы, аднак на пытанне, якія меры прадпрымае кампанія, каб скараціць або ліквідаваць чэргі ў пунктах выдачы, не адказалі.
Каментары