Па інфармацыі тэлеграм-канала Maydayteam, 19 студзеня пасля заканчэння тэрміну зняволення на волю выйшаў актывіст Валадар Цурпанаў. За кратамі яго ўтрымлівалі 1 год 11 месяцаў і 14 дзён.
Магілёўца Валадара Цурпанава, адразу асуджанага на «хімію», адправілі пасля на 2 гады ў калонію.
Падставай для новай крымінальнай справы супраць палітвязня, асуджанага на тры гады «хіміі», стала «парушэнне правілаў унутранага распарадку ва ўстанове». Нібыта супрацоўнікі неаднойчы бачылі, як ён сядзеў ці ляжаў на ложку ў недазволены час, не засцілаў належным чынам сваё спальнае месца. Вядома, што яго ў калоніі змяшчалі ў памяшканне камернага тыпу.
У красавіку 2022 года палітвязню яшчэ больш узмацнілі пакаранне і перавялі на турэмны рэжым у Гродна.
Цяпер чытаюць
Гамельчука вызвалілі ад адказнасці за ўдзел у пратэстах праз тое, што ўжо прайшло пяць гадоў. Гэта такі першы вядомы выпадак1
Каментары