«Санта» адкрыла першыя адноўленыя крамы «Віталюр» — пакуль без рэбрэндынгу
Кампанія «Санта-Рытэйл» перазапускае крамы «Віталюр», якія перайшлі пад яе кіраванне. Як расказалі ў прэс-службе кампаніі выданню Office Life, пакуль што гэтыя крамы захаваюць ранейшыя шыльды, знаёмыя фасады і звыклы інтэр'ер.
У Мінску ўжо адкрыліся сем «Віталюраў».
Першыя абноўленыя крамы з'явіліся па адрасах Пушкіна, 24, Лабанка, 26 і Філімонава, 10. Перазапуск прайшлі і супермаркеты на Галадзеда, 34-а ў Чыжоўцы, на вуліцы Касманаўтаў, 5-а ў Малінаўцы, на фермерскім рынку «Валяр'янава» на Лагойскай, 5-а, а таксама крама ў аграгарадку Гатава на Металургічнай, 18-а. Астатнія крамы абяцаюць адкрываць па меры гатоўнасці.
Прадстаўнікі «Санты» дадалі, што ставяць мэтай адкрываць аб'екты з поўнай асартыментнай загрузкай, а таксама максімальна захаваць наяўны персанал.
Па словах дырэктара ТАА «Санта Рытэйл» Аляксандра Чуйко, на першым этапе гандлёвыя аб'екты захаваюць сваю назву, а да пытання рэбрэндынгу кампанія пяройдзе пазней.
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі11
Каментары