На магіле аўтара бел-чырвона-белага сцяга пачалі ставіць новы помнік
У Каўнасе на магіле дзеяча БНР Клаўдзія Дуж-Душэўскага, які лічыцца аўтарам бел-чырвона-белага сцяга, пачалі ставіць новы помнік. Цяпер на ім ёсць тэкст на беларускай мове, якога раней не было, паведамляе «Еўрарадыё».
Фота старога помніка на магіле Клаўдзія Дуж-Душэўскага
«Дуж-Душэўскі быў арыштаваны агулам 5 разоў — польскай, савецкай (тройчы) і нямецкай уладамі. І ў суме правёў у зняволенні каля 10 гадоў, — праводзіць паралелі з цяперашнім часам жыхар Каўнаса Зміцер, ініцыятар рэканструкцыі. — Перакананы, што ўсім нам важна ведаць ролю Дуж-Душэўскага ў стварэнні БНР. Ён заставаўся беларусам усё жыццё».
Беларусы Каўнаса пачалі збор сродкаў на ўпарадкаванне магілы Дуж-Душэўскага ў мінулым годзе. Урачыстае адкрыццё новага помніка адбудзецца 25 сакавіка, на ўгодкі абвяшчэння дзяржаўнай незалежнасці Беларускай Народнай Рэспублікі.
Каментары