Месі можа вярнуцца ў «Барселону». Прычым ён гатовы пайсці на паніжэнне заробку
Сталі вядомыя ўмовы, якія прапануюць аргенцінскаму форварду «Пары Сен-Жэрмен» Ліянэлю Месі ў каталонскай «Барселоне».
Клуб хоча заключыць з форвардам кантракт на год з опцыяй яго працягнення на адзін сезон. Заробак, у адпаведнасці з пагадненнем, будзе складаць 6-7 мільёнаў еўра на год. У «Барселоне» ўпэўненыя, што аргенцінец вернецца ў клуб па заканчэнні кантракту з ПСЖ, паведамляе Sportskeeda.
29 сакавіка журналіст Жэрар Рамэра паведаміў, што Месі гатовы пайсці на значнае паніжэнне заробку дзеля вяртання ў «Барселону». Удакладнялася, Месі не збіраецца працягваць кантракт з ПСЖ і вядзе актыўныя перамовы з іспанскай камандай.
Месі падпісаў пагадненне з ПСЖ у жніўні 2021 года. Да гэтага ён усю кар'еру выступаў за «Барселону», у складзе якой дзесяць разоў выйграваў чэмпіянат Іспаніі і чатыры разы перамагаў у Лізе чэмпіёнаў. Цяперашні кантракт форварда з французскім клубам разлічаны да чэрвеня 2023 года з опцыяй працягнення на адзін сезон.
Чытаць таксама:
Ліянель Месі прызнаны найлепшым футбалістам чэмпіянату свету
Зборная Беларусі па футболе прайграла і «галоўную гульню». Гэтым разам румынам
Цяпер чытаюць
Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?1
Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары