Міністэрства замежных спраў Літвы выступіла з рашучай нотай пратэсту ў сувязі з неаднаразовымі выпадкамі парушэння беларускімі памежнікамі літоўскай дзяржаўнай мяжы. Ноту сёння ўручылі прадстаўніку беларускай амбасады.
«Нота была ўручаная ў сувязі з парушэннем дзяржаўнай мяжы Рэспублікі Літва супрацоўнікам памежнай службы Рэспублікі Беларусь, зафіксаваным 12 красавіка 2023 года ў зоне дзеяння Швянчонскай памежнай заставы Віленскага памежнага атрада», — паведамляе МЗС Літвы.
Літоўскі бок патрабуе ад Беларусі як мага хутчэй даць тлумачэнні датычна інцыдэнту і прыняць неабходныя меры для прадухілення такіх інцыдэнтаў у будучыні.
Служба аховы дзяржаўнай мяжы Літвы абвінаваціла беларускіх памежнікаў у парушэнні мяжы 12 красавіка. Паведамлялася, што пяцёра беларускіх памежнікаў ішлі ўздоўж мяжы. Адзін з іх ненадоўга зайшоў на літоўскую тэрыторыю на адлегласць каля аднаго метра і без спынення вярнуўся на тэрыторыю Беларусі.
Прэзідэнт Літвы наклаў вета на закон аб абмежаваннях для грамадзян Беларусі і РФ і прапанаваў тыя ж абмежаванні для беларусаў
На сайце літоўскага Дэпартамента міграцыі з'явілася інфармацыя па-беларуску і пад бела-чырвона-белым сцягам
Літва сцвярджае, што спыніла імпарт падсанкцыйнай драўніны з Беларусі і Расіі
Цяпер чытаюць
Былы памочнік Лукашэнкі Ігар Брыло прызнаў, што набраў хабараў на $2 мільёны10
Каментары