У Перу злодзеі абрабавалі краму абутку, але пры гэтым моцна спудлавалі
Здзівіліся нават мясцовыя паліцыянты.
У Перу трое невядомых абакралі абутковую краму на 13 тысяч даляраў, але пры гэтым вельмі моцна спудлавалі. Як напісала 4 мая агенцтва Бі-бі-сі, увесь скрадзены абутак быў толькі на правую нагу.
Інцыдэнт адбыўся ў краме абутку ў горадзе Уанкайа, Перу. У краму ўварваліся 3 чалавекі і скралі больш за 200 красовак. Спроба рабавання была знятая камерамі відэаназірання: там бачна, як ноччу злачынцы ўзломваюць замок і на трохколавым ровары вывозяць кардонкі з абуткам розных брэндаў.
Уладальнік крамы ацэньвае шкоду на суму больш за 13 тысяч даляраў, а паліцыя, якая сабрала доказы і адбіткі пальцаў на месцы злачынства, кажа, што няўдалыя рабавальнікі скралі абутак толькі для правай нагі.
«Мы сабралі доказы на месцы злачынства. Незвычайнае ў гэтым рабаванні тое, што ўвесь абутак для левай нагі застаўся на месцы», — адзначылі ў мясцовай паліцыі.
Паліцыянты ўпэўненыя, што ў зламыснікаў узнікнуць цяжкасці пры продажы крадзенага тавару і што самі яны будуць затрыманыя ў бліжэйшы час.
Цяпер чытаюць
«Гэтая партыя прайграная». Беларускія даследчыкі — пра тое, у што ператварылася Акадэмія навук1
«Гэтая партыя прайграная». Беларускія даследчыкі — пра тое, у што ператварылася Акадэмія навук
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары