Свет22

Экс-мэра Екацярынбурга Ройзмана аштрафавалі па справе дыскрэдытацыі арміі. Санкцыя прадугледжвала да пяці гадоў турмы

За яго заступілася нават Ала Пугачова.

Яўген Ройзман. Фота: AP

Кастрычніцкі суд Екацярынбурга прызначыў былому мэру горада Яўгену Ройзману (абвешчаны расійскімі ўладамі «замежным агентам») штраф памерам 260 тысяч расійскіх рублёў (каля 3250 даляраў) паводле справы аб «дыскрэдытацыі арміі», піша Бі-бі-сі.

Ройзмана асудзілі па ч. 1 арт. 280.3 КК РФ (публічныя дзеянні, накіраваныя на дыскрэдытацыю выкарыстання Узброеных сіл), максімальнае пакаранне па якой — пазбаўленне волі на тэрмін да пяці гадоў.

Напярэдадні пракурор папрасіў прызначыць Ройзману адносна мяккае пакаранне — штраф 260 тысяч рублёў. Такі штраф і прызначыў суд.

Ройзман, каментуючы пакаранне, якое запытваў пракурор, сказаў: «Усе разумеюць, што я ні ў чым не вінаваты і што я нічога дрэннага не зрабіў».

Абарона Ройзмана прасіла суд апраўдаць яго. Як падкрэсліваў адвакат Уладзіслаў Ідамжапаў, абвінавачанне парушае замацаваную ў Канстытуцыі свабоду думкі і слова.

Крымінальную справу супраць папулярнага екацярынбургскага палітыка распачалі ў жніўні мінулага года. Нагодай стаў выступ у YouTube ў ліпені, у якім Ройзман выказваўся пра вайну ва Украіне.

Абіраючы меру стрымання, суд не стаў адпраўляць яго ў СІЗА, забараніўшы толькі пэўныя дзеянні: наведваць публічныя мерапрыемствы і карыстацца інтэрнэтам.

Судовы працэс па справе Ройзмана пачаўся ў канцы красавіка.

Як пісала екацярынбургскае выданне It's My City, згодна з абвінаваўчым заключэннем, Ройзман «дыскрэдытаваў» расійскую армію сярод іншага тым, што назваў «спецаперацыю» ва Украіне вайной, а сімвал Z — «зігай».

У чацвер у судзе дапытвалі сведак. Сам Ройзман ад дачы паказанняў адмовіўся. «З вашага дазволу — не буду», — сказаў ён суддзі. Выступаючы з апошнім словам, Ройзман падзякаваў і пералічыў пісьменнікаў, музыкаў і навукоўцаў, якія выступілі ў яго падтрымку.

У чацвер суддзя далучыў да справы некалькі характарыстык, якія далі на Ройзмана вядомыя людзі, але адмовіўся пры гэтым далучаць зварот спявачкі Алы Пугачовай. Суддзя заявіў, што зварот Пугачовай з'яўляецца непрацэсуальным (не аформлены па патрабаваннях КПК), а Ройзман адзначыў, што паставіць яго «ў рамачку і на сцяну павесіць».

Ройзман — папулярны ў Свярдлоўскай вобласці палітык, былы кіраўнік Екацярынбурга (2013—2018 гады) і дэпутат Дзярждумы (2003—2007 гады).

Пасля ўварвання Расіі ва Украіну Ройзман не стаў пакідаць краіну, пры гэтым выступаў супраць баявых дзеянняў і крытыкаваў расійскія ўлады.

Каментары2

  • Олег
    19.05.2023
    Единсвенного русского которого я любил и уважал это Борис Немцов. После его убийства россии для меня не существует.
  • семен
    20.05.2023
    как можно дискредитировать то,что уже все давно дискредитировано.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыя

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыя

Усе навіны →
Усе навіны

У Літве высветлілі, што дапамогу, прызначаную бежанцам з Украіны, атрымлівалі і людзі з іншых краін. Сярод іх ёсць і беларусы1

Маці траіх дзяцей просіць Лукашэнку вярнуць іх з прытулку. Чыноўнікі патлумачылі, чаму ў яе не атрымалася

Іспанія дамагаецца прызнання каталонскай мовы ў ЕС: Брусэль тармозіць працэс

Журналісты атрымалі доступ да сакрэтных планаў расійскіх ядзерных вайсковых баз3

Трамп прапанаваў Канадзе доступ да абароны пад «Залатым купалам». Пры адной умове5

Грошы для былога палітвязня Андрэя Чапюка сабралі менш чым за паўсутак

У Германіі адмяняюць нядаўна ўведзеную магчымасць «экспрэс-натуралізацыі»

«Муж быў супраць таго, каб Анжаліка сустракалася з дзецьмі з іншым мужчынам». Аўтар расследавання пра Мельнікаву падзяліўся некаторымі дэталямі7

Мерц паабяцаў дапамагчы Украіне з распрацоўкай уласнай дальнабойнай зброі1

больш чытаных навін
больш лайканых навін

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыя

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыя

Галоўнае
Усе навіны →

Заўвага:

 

 

 

 

Закрыць Паведаміць