«Хоча Лукашэнка грозна паварушыць вусамі — калі ласка». ГУР Украіны пракаментавала размяшчэнне ядзернай зброі ў Беларусі
Афіцыйны прадстаўнік Галоўнага ўпраўлення разведкі Украіны Павел Юсаў падчас эфіру на канале журналіста Гардона заявіў, што наяўнасць ядзернай зброі ў Беларусі не ёсць чымсьці хвалюючым і сур'ёзным.
Па словах прадстаўніка ГУР Украіны Паўла Юсава, ядзерная зброя ў Беларусі — гэта не самы горшы варыянт, які можа адбывацца ў кантэксце вайны ва Украіне.
У эфіры канала журналіста Дзмітрыя Гардона 16 чэрвеня Юсаў адзначыў, што для Украіны ў першую чаргу важны няўдзел Беларусі ў поўнамаштабнай наземнай аперацыі на баку Расіі, а ўсё астатняе — «ды на здароўе!».
«Нічым дадатковым для Еўропы, НАТА і Украіны гэта не пагражае. Ну паказвае гэтым Пуцін, што яшчэ можа рабіць нейкія пару крокаў на шахматнай дошцы, і што? Для Украіны важным фактарам застаецца тое, што, нягледзячы на ўсе танцы з ядзернымі бубнамі, Беларусь застаецца няўцягнутай у поўнамаштабную наземную аперацыю разам з Расіяй.
А ўсё астатняе… ну хоча Лукашэнка пакрычаць, памахаць кулакамі, пагразіць камусьці ці грозна паварушыць вусамі — калі ласка», — заявіў афіцыйны прадстаўнік ГУР Украіны Павел Юсаў.
Нагадаем, што сёння падчас Пецярбургскага міжнароднага эканамічнага форуму Уладзімір Пуцін паведаміў, што першыя расійскія тактычныя ядзерныя зарады ўжо дастаўленыя ў Беларусь.
Цяпер чытаюць
«Гэтая партыя прайграная». Беларускія даследчыкі — пра тое, у што ператварылася Акадэмія навук1
«Гэтая партыя прайграная». Беларускія даследчыкі — пра тое, у што ператварылася Акадэмія навук
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары