Кіно

«Элементаль»: новая дзіцячая анімацыя Pixar — пра каханне агню і вады, а таксама жыццё імігрантаў

Фантастычны свет мультфільмаў ад Pixar па-ранейшаму зачароўвае магіяй і захоўвае сваю суперздольнасць — натуральна адлюстроўваць паўсядзённасць і звязаныя з ёй праблемы і клопаты.

Ember and Wade in Elemental
Эмбер і Уэйд у мультфільме «Элементаль». Шлях сапраўднага кахання рэдка бывае простым. Фота: Disney / Pixar

На экраны выйшла новая анімацыя ад студыі Pixar, якая даўно заваявала любоў аўдыторыі мультфільмамі «Душа», «Галаваломка», «Лука», «Таямніца Како» і іншымі.

Элементаль — гэта горад, дзе жывуць прадстаўнікі чатырох элементаў-стыхій: агню, вады, зямлі і паветра. У цэнтры ўвагі двое: дзяўчына — вогненны элементаль Эмбер і хлопец — водны элементаль Уэйд. Хутка яны даведаюцца, што ў іх шмат агульнага.

Новы мультфільм, па сутнасці, рамантычная камедыя. Pixar і раней намякала на рамантыку, але гэта першы раз, калі сюжэтная лінія настолькі рамантычная. Калі прыгледзецца да гісторыі бліжэй, то стане ясна, што яна крыху шаблонная і ў сюжэтных ходах фільм часта абапіраецца на стэрэатыпы, а не адыходзіць ад іх. У нейкім сэнсе перад намі разгортваецца спрадвечная гісторыя: два персанажы з розных культур кахаюць адно аднаго, і пачуцці дапамагаюць ім пераадолець прорву паміж іх «кланамі».

Але гэта яшчэ і гісторыя сям'і мігрантаў — пажарнікаў Люменаў, якія пераязджаюць у вялікі горад у пошуках лепшага жыцця для сваёй вогненнай дачкі Эмбер.

У гэтым горадзе вада, зямля і паветра жывуць у бліскучым, тэхналагічна дасканалым мегаполісе. Elemental City запоўнены воднымі шляхамі грамадскага транспарту і хмарачосамі пад адкрытым небам — амаль усё ў горадзе спраектавана так, каб быць даступным у адпаведнасці з унікальнымі патрэбамі жыхароў. Тым не менш вогненных людзей адпраўляюць у аддалены раён — далей ад тых месцаў, дзе яны могуць нанесці шкоду.

Там, у гэтым адведзеным ім анклаве, Люмены адкрываюць краму, дзе прадаюць закускі і іншыя тавары. Эмбер расце, працуючы ў краме, і бацькі кажуць ёй, што аднойчы крама будзе належаць ёй.

Хоць Эмбер любіць сваіх бацькоў і тое, што іх кругласутачны магазін «Камін» стаў сэрцам вогненнага горада, у глыбіні душы яна ведае, што сямейны бізнэс — гэта не тое, чаго яна сапраўды хоча ў жыцці. Праз падаўленыя пачуцці гарачнасць дзяўчыны часам бярэ над ёй верх і прымушае яе станавіцца настолькі небяспечнай, што бацькі бачаць: трымаць яе ў вогненным горадзе сярод сваіх людзей — будзе лепш для ўсіх (па кантрасце з ёй, яе каханы, водны элементаль Уэйд — мяккі хлопец, якім кіруюць пачуцці і які плача пры любой магчымасці).

Ember and Wade in Elemental
«Элементаль» — рамантычная гісторыя, якая таксама распавядае пра жыццё імігрантаў. Фота: Disney / Pixar

Мультфільм закранае безліч сацыяльных пытанняў: адносіны з бацькамі, досвед імігрантаў у другім пакаленні, прадузятасць у дачыненні да людзей, якія не падобныя да нас, расізм і недасканаласць законаў. Даследуючы гэтыя тэмы, Pixar дапамагае гледачам перажыць глыбокія і меланхалічныя пачуцці ў адносінах да свету: сум, страту, страх быць пакінутым. Гэтым важным пачуццям не надаюць увагі многія сучасныя стваральнікі дзіцячых забаў, калі канцэнтруюцца толькі на «сяброўстве» і «неабходнасці дапамагаць іншым».

Мастакі анімацыйнай студыі чарговы раз дэманструюць, што значыць спалучэнне мастацтва і тэхналогій. Тое, што яны робяць, — гэта не проста відовішчна, гэта стварае прастору для ўяўлення. Візуальныя эфекты Elemental City прыцягваюць увагу, і кожная з яго дэталяў паказвае, як моцна былі натхнёныя аніматары задачай стварэння горада, населенага антрапаморфнымі элементалямі.

Нягледзячы на прастату гісторыі, мультфільм перадае салодкую, цудоўную магічнасць выдуманага свету. Гумар, кранальнасць і дасціпныя дыялогі таксама сведчаць пра тое, што Pixar захоўвае сваю рэпутацыю прафесіяналаў у сферы анімацыі.

Больш пра кіно:

Дзевяць галоўных кінастужак гэтага лета

У Непале забаранілі ўсе-ўсе фільмы Балівуда. І ўсё з-за адной фразы

Клінт Іствуд, Фантамас і робат Ары загавораць па-беларуску

Каментары

Цяпер чытаюць

Палітвязень Паднябенны павесіўся ў ШІЗА магілёўскай калоніі

Палітвязень Паднябенны павесіўся ў ШІЗА магілёўскай калоніі

Усе навіны →
Усе навіны

Расіяне на Данеччыне ўдарылі авіябомбай па людзях, што прыйшлі атрымліваць пенсію — больш за 20 загінулых17

Карбалевіч: Ад апазіцыі цяпер мала што залежыць, варта рыхтавацца да сыходу Лукашэнкі13

Гімназія Ірыны Абельскай змяніла ўласніка і засакрэціла яго імя2

Гісторык Ігар Мельнікаў выйшаў на волю15

Прэм'ер-міністр Непала падаў у адстаўку2

Лукашэнка загадаў вярнуцца да пахаванай 13 гадоў таму ідэі стварэння фінансава-прамысловых груп4

13-гадовая дзяўчынка хацела ачысціць твар энзімнай пудраю і трапіла ў рэанімацыю1

Былую кіраўніцу піяр-службы МТС асудзілі па палітычным артыкуле7

Лукашэнка пра банкі: То старыя даляры не прымаюць, то навязваюць паслугі8

больш чытаных навін
больш лайканых навін

Палітвязень Паднябенны павесіўся ў ШІЗА магілёўскай калоніі

Палітвязень Паднябенны павесіўся ў ШІЗА магілёўскай калоніі

Галоўнае
Усе навіны →

Заўвага:

 

 

 

 

Закрыць Паведаміць