Паглядзець фільм вядомай опернай спявачкі можна будзе сёння ў ютубе.
Маргарыта Ляўчук заканчвае магістратуру ў ЕГУ. Тэму гвалту дзяржаўнай сімволікай яна даследавала ў сваёй магістарскай працы. Вынікам даследавання стаў фільм.
Паказ фільма прайшоў учора ў Вільні. А сёння а 20-й яго прэм'ера адбудзецца ў ютубе (паглядзець можна па спасылцы).
«Кроў на траве» — так сын адной з палітзняволеных апісаў чырвона-зялёны сцяг. Гэта асацыяцыя стала назвай фільма.
Як лукашэнкаўскі рэжым выкарыстоўвае сімволіку і чаму гэта можна лічыць гвалтам? Дызайнеры, стылістка, урбаніст разважаюць пра значэнне і пасыл, якія маюць чырвоны і зялёны колеры, а былыя палітзняволеныя дзеляцца, якія эмоцыі гэта спалучэнне колераў выклікае ў іх. Расказваецца таксама, як гумар і творчасць дапамагаюць адолець псіхалагічную траўму.
Генеральным прадзюсарам фільма стаў Алесь Чахоўскі, рэжысёрам — Арцём Лобач. Маргарыта Ляўчук, аўтар ідэі, таксама знялася ў кадры. Сярод тых, хто фінансава падтрымаў ідэю, — беларуская дыяспара Бостана і Новай Англіі і баец палка Каліноўскага.
Маргарыта Ляўчук падзялілася, што ёй афіцыйны чырвона-зялёны сцяг не быў блізкі яшчэ да пратэстаў 2020 года. Спявачка згадвае, як у 2017-м выступала з операй на Тэнэрыфэ і за яе спінай на экране паказалі гэты сцяг — ад разгубленасці яна не вельмі добра выканала першую арыю.
Для фільма пра дзяржаўную сімволіку Маргарыта Ляўчук прасіла беларусаў дасылаць прыклады чырвона-зялёных «дызайнерскіх рашэнняў» у гарадах. Чырвона-зялёныя лаўкі, дзверы, скульптуры, трактары…
Гледачы падзяліліся, што наступным варта зняць фільм пра сапраўдныя нацыянальныя колеры.
Нагадаем, што ў 2021-м годзе сілавікі завялі на артыстку крымінальную справу «за абразу дзяржаўных сімвалаў» і абвясцілі ў вышук — за эпізод з кліпа.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення8080
Каментары
Зялены лiст, чырвоны цвет!
Уся беларуская культура зараз з'яўляецца "экстрэмізмам" і "тэрарызмам"