Дзяўчына з Горак зварыла галаву ката, каб упрыгожыць ёю свой пакой
17-гадовая жыхарка Горак выклала відэа, у якім варыла галаву ката. Відэа моцна здзівіла землякоў.
Дзяўчына — прыхільніца моладзевай субкультуры готаў. На відэа яна ў характэрным для готаў змрочным макіяжы ды адзенні.
На відэа, выкладзеных у сацыяльныя сеткі (мы не прыводзім яго з этычных меркаванняў), дзяўчына паказала ў пакеце памерлага ката, а пасля яго галаву ў рондалі.
«Ну, я раздзяліла яго, дастала кішкі, адсекла галаву, па класіцы», — расказвае яна на відэа.
Чэрап жывёлы дзяўчына збіралася пакінуць у сваім пакоі для дэкору.
Відэа з тым, як яна абыходзіцца з целам ката, разышлося па сацыяльных сетках. Пазней дзяўчына ўсё выдаліла.
На дзяўчыну нехта напісаў скаргу ў міліцыю аб жорсткім абыходжанні з жывёлай. Адзін з абураных жыхароў таксама званіў у райвыканкам, у аддзел па справах моладзі.
Там сказалі, што не ведаюць пра відэа і прасілі даслаць ім спасылку на яго.
Пра выпадак напісаў таксама тэлеграм-канал, блізкі да сілавікоў. У іх паведамленнях гаворыцца, што дзяўчына не забівала ката. Раздзяленне яго цела тлумачыла «даследчымі мэтамі», бо нібы «плануе звязаць далейшае сваё жыццё з медыцынай або ветэрынарыяй».
«Дзеянням дзяўчыны будзе дадзеная прававая ацэнка», —адзначаецца ў пабліку сілавікоў.
Высветліць, што інкрымінуецца непаўналетняй дзяўчыне, не ўдалося.
Па беларускім заканадаўстве прадугледжана адказнасць за здзек з жывых жывёл. Так, за жорсткае абыходжанне з жывёлай, што пацягнула яго гібель або калецтва, учыненае з хуліганскіх ці іншых намераў, могуць пакараць грамадскімі працамі, штрафам і нават арыштам.
Крыніца, блізкая да горацкай міліцыі, сказала, што бацькоў за хуліганскі ўчынак дачкі, найхутчэй, пакараюць штрафам, а яе саму паставіць на ўлік камісіі па справах непаўналетніх. З ёю будзе працаваць псіхолаг.
«Наша Нiва» — бастыён беларушчыны
ПАДТРЫМАЦЬГлядзіце таксама:
Маладыя людзі пачалі больш верыць у «найвышэйшыя сілы»
«Развіліся дэструктыўныя пачуцці». БДУ і БДУІР асудзілі «ПВК Родан»
Як выглядалі чыноўнікі ў раёнах на ўрачыстасцях Дня дзяржаўнага сцяга ФОТЫ
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай31
Каментары