Грамадства22

У Мінску загладзілі апошнія сляды кінатэатра «Сучаснік». Тут будзе сквер

На месцы знесенага ў чэрвені гэтага года будынка былога сталічнага кінатэатра «Сучаснік», які знаходзіўся на Харкаўскай вуліцы, сёння вядзецца добраўпарадкаванне. Агенцтва «Мінск-Навіны» паказала, што цяпер адбываецца на ўчастку, які стане працягам Тучынскага сквера.

Месцы былога кінатэатра «Сучаснік». Фота: «Мінск-Навіны»

Ад калісьці знакавага для жыхароў горада кінатэатра «Сучаснік» сёння не засталося і следу. Цяпер на яго месцы будзе зялёная зона, якой займаюцца працаўнікі «Экалогіі горада». На ўчастку ўжо праклалі дарожкі з тратуарнай пліткі, засяваюць газонную траву.

Кінатэатр «Сучаснік» да няўдалай рэканструкцыі. Фота: Realt&by

«Я ў гэтым раёне жыву з 2005 года. Наколькі памятаю, кінатэатр на той час ужо быў зачынены. Тэрыторыя была абгароджаная, тут нават збіраліся нешта будаваць, але гэтага так і не адбылося. Даўгабуд нас ніяк не напружваў — стаяў і стаяў. Праўда, пенсіянеры першапачаткова спадзяваліся, што будынак прывядуць у парадак, а потым там адкрыюцца гурткі, секцыі, танцавальныя пляцоўкі і іншыя аб'екты», — адзначыла мясцовая жыхарка Ала.

Новыя пешаходныя дарожкі ў Тучынскім скверы. Фота: «Мінск-Навіны»
Высаджаныя маладыя дрэўцы. Фота: «Мінск-Навіны»

Тучынскі сквер з'яўляецца адной са славутасцяў раёна, тут размешчана вялікая сажалка, якая ўтварылася, калі гліняныя кар'еры, з якіх паступала сыравіна для мясцовых цагельняў, напоўніліся вадой. Назва як сквера, так і самога прадмесця Тучынка, паходзіць ад гэтых сажалак, якія таксама называлі «тучкамі». У савецкі час сажалку ў скверы ўпарадкавалі, размясціўшы вакол яе мазаічныя фігуры дзівосных водных істот і абсадзіўшы ніцымі вербамі.

Сажалка (тучка) у скверы. Фота: «Мінск-Навіны»

У 2002 годзе з-за незапатрабаванасці ў гараджан кінатэатр «Сучаснік» зачынілі. Пазней паступалі прапановы зрабіць з яго мясцовы Палац культуры, потым забаўляльны цэнтр з кіназалай, спартыўным клубам, гасцініцай. 

Будынак кінатэатра ў працэсе зносу ў чэрвені 2023 года. Фота: «Мінск-Навіны»

Аднак праекта так і не ўвасобілі ў жыццё — праз пару гадоў будоўля прыпынілася, а ў 2016 годзе і зусім была закансерваваная. З тых часоў разбураны будынак стаў прытулкам для мясцовых бяздомных і творчай пляцоўкай для графіцістаў-аматараў.

Каментары2

  • Казік
    10.08.2023
    Яго перад еўрапейскімі гульнямі пачыналі калупаць, можа які гатэль хацелі
  • Потап
    11.08.2023
    Сажалка - «Мухля»

Цяпер чытаюць

«Работнікаў з Афрыкі адпраўляюць на кухню». Чым займаюцца працоўныя мігранты ў Беларусі і адкуль едуць?

«Работнікаў з Афрыкі адпраўляюць на кухню». Чым займаюцца працоўныя мігранты ў Беларусі і адкуль едуць?

Усе навіны →
Усе навіны

Лукашэнка прапанаваў расіянам зняць сумесны фільм пра Лі Харві Освальда9

Зяленскі пасля сустрэчы з Трампам заявіў, што Кіеў не выведзе свае войскі з Данбаса6

«У бальніцы ў цяжкім стане». Падрабязнасці пра выпадак у Жодзіне, дзе вучань выпаў з акна школы

У ЕС абмяркоўваюць змену правілаў членства, каб дапамагчы ўступленню Украіны

Ліса і сабака разам апынуліся ў калодзежы ў Польшчы: ратавальнікі былі расчуленыя1

Кітайскі імпарт беларускага калію ў верасні ўпаў амаль утрая2

65‑гадовай пенсіянерцы з Мінска прысудзілі чатыры гады за каментары ў інтэрнэце30

У Фларыдзе выявілі снайперскую вышку з відам на самалёт Трампа3

Авіякатастрофа ў Ганконгу: грузавы самалёт з'ехаў з паласы ў мора, загінулі двое супрацоўнікаў аэрапорта

больш чытаных навін
больш лайканых навін

«Работнікаў з Афрыкі адпраўляюць на кухню». Чым займаюцца працоўныя мігранты ў Беларусі і адкуль едуць?

«Работнікаў з Афрыкі адпраўляюць на кухню». Чым займаюцца працоўныя мігранты ў Беларусі і адкуль едуць?

Галоўнае
Усе навіны →

Заўвага:

 

 

 

 

Закрыць Паведаміць