Чыноўнік НАТА не выключыў членства Украіны ў Альянсе, але ў абмен на адмову ад часткі тэрыторыі. Украіна пратэстуе
Кіраўнік апарату генеральнага сакратара Паўночнаатлантычнага альянсу Стыян Енсэн дапусціў, што Украіна можа стаць сябрам НАТА ў выпадку тэрытарыяльных саступак Расійскай Федэрацыі, паведамляе «Еўрапейская праўда» са спасылкай на выданне VG.
Енсэн на публічнай дыскусіі ў нарвежскім горадзе Арэндал не выключыў магчымага сяброўства Украіны ў НАТА. Паводле яго, «важна, каб мы гэта абмеркавалі». Але пры гэтым дапусціў вельмі скандальнае выказванне:
«Я лічу, што адным з рашэнняў можа быць адмова Украіны ад тэрыторыі і атрыманне сяброўства ў НАТА ў абмен на гэта».
У адказ на просьбу аб удакладненні Енсэн адзначыў, што дыскусіі пра будучы статус Украіны ў кантэксце Альянсу пасля вайны ўжо працягваюцца, і ў іх, у прыватнасці, гучаць опцыі з адмовай Кіева ад часткі тэрыторыі.
«Я не кажу, што павінна быць менавіта так. Але гэта можа быць магчымым рашэннем», — растлумачыў кіраўнік апарату генеральнага сакратара НАТА.
Енсэн падкрэсліў, што менавіта Украіна «павінна вырашаць, калі і на якіх умовах хоча весці перамовы».
МЗС Украіны адрэагавала на гэтае выказванне праз свайго прэс-сакратара Алега Нікаленку, які напісаў у фэйсбуку:
«Размовы аб уступленні Украіны ў НАТА ў абмен на адмову ад часткі ўкраінскіх тэрыторый абсалютна непрымальныя. Мы заўсёды зыходзілі з таго, што Альянс, як і Украіна, тэрыторыямі не гандлююць.
Свядома ці несвядома ўдзел службовых асоб НАТА ў фарміраванні наратыву аб магчымасці адмовы Украіны ад сваіх тэрыторый іграе на руку Расіі.
Затое ў інтарэсах еўраатлантычнай бяспекі — абмяркоўваць шляхі паскарэння перамогі Украіны і здабыцця ёю паўнапраўнага сяброўства ў НАТА».
Чытайце таксама:
Польшча траціць на войска больш за іншыя краiны НАТА
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1212
Каментары