У Беларусі налічваецца каля 700 мядзведзяў.
Калі 10 гадоў таму ў лясах Беларусі, пераважна на поўначы, жыло 100-120 асобін, то цяпер іх налічваецца каля 700, прычым яны заходзяць і ў паўднёвыя рэгіёны. «Аднак з пасляваенных часоў не рэгістравалася выпадкаў нападу мядзведзя на чалавека», — запэўніў Аляксандр Казарэз, начальнік аддзела паляўнічай гаспадаркі Мінлясгаса, у размове з sb.by.
Адзіны інцыдэнт адбыўся некалькі таму гадоў, але там чалавек сам справакаваў жывёлу. Таму самае галоўнае — не правакаваць! Літаральна 2-3 тыдні таму быў выпадак у Налібоцкай пушчы, калі ўбачылі мядзведзя, які бег уздоўж трасы. Спынілася шмат машын, усе людзі пайшлі фатаграфаваць проста да сеткі, якая агароджвае трасу. Мядзведзю гэта відавочна не спадабалася, ён рабіў папераджальныя выпады.
Аднак не варта імкнуцца да кантакту з мядзведзем у пагоні за прыгожым кадрам. Гэта буйны і моцны драпежнік, правакаваць яго ні ў якім разе нельга, зазначыў спецыяліст.
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары