Грамадства33

Загінуў яшчэ адзін беларускі добраахвотнік, які змагаўся на баку Украіны. Гэта ўжо 36-я смерць за паўтара года

Ва Украіне загінуў беларускі добраахвотнік Павел Горбач з пазыўным «Борт», паведамляе «Радыё Свабода».

Павел Горбач (справа)

Пра смерць ваяра таксама ў сваіх акаўнтах паведамляюць сябры Горбача ў Instagram. Апошні раз у Telegram ён з'яўляўся на гэтым тыдні. Падрабязнасці гібелі беларуса пакуль невядомыя.

Павел Горбач нарадзіўся 10 студзеня 1992 года. Вядома, што з 2012-га да 2015 года ён служыў на кантракце ў беларускім войску, быў старшыной. У Беларусі Горбача асудзілі за нестатутныя адносіны, ён адбываў пакаранне на «хіміі».

Сам Павел Горбач у інтэрвʼю тэлеканалу «Белсат» казаў, што мае на руках усе дакументы і хацеў бы абскардзіць гэты прысуд.

Вядома, што Павел быў фанатам футбольнага менскага «Дынама». У размовах з карэспандэнтам «Свабоды» добраахвотнік расказваў, што яго, як фаната, яшчэ да 2020 года спрабаваў завербаваць ГУБАЗіК.

Горбач актыўна ўдзельнічаў у пратэстах 2020 года, быў вымушаны выехаць з краіны, каб не трапіць пад крымінальны пераслед. У Польшчы працаваў дальнабойнікам.

Ва Украіну паехаў ад самага пачатку вайны разам з сябрам Змітром «Тэрорам» Апанасовічам. У сакавіку 2022 года «Борт» і «Тэрор» удзельнічалі ў баях у Ірпені Кіеўскай вобласці. Там Апанасовіч атрымаў смяротнае раненне.

У далейшым Павел «Борт» быў камандзірам разведкі ў батальёне «Тэрор». Удзельнічаў у баях на поўдні Украіны, у вызваленні Херсона.

Паводле звестак «Свабоды», за некалькі месяцаў да смерці Павел Горбач пакінуў «Тэрор». Апошнім часам ён ваяваў у іншым падраздзяленні.

Гэта як мінімум 36-ы беларускі добраахвотнік, які загінуў ад пачатку поўнамаштабнай вайны ва Украіне.

Каментары3

  • Свабодны чалавек
    27.10.2023
    Вечная памяць!
  • mikola
    27.10.2023
    Spaczuvaiu...*Teror* akazausja-ne udalym....
  • не таки як ёсць
    27.10.2023
    Героям слава!!

Цяпер чытаюць

БНТУ: Выкладчык, які ўцякаў ад міліцыі, памёр ад сардэчнага прыступу

БНТУ: Выкладчык, які ўцякаў ад міліцыі, памёр ад сардэчнага прыступу

Усе навіны →
Усе навіны

Журналісты атрымалі доступ да сакрэтных планаў расійскіх ядзерных вайсковых баз3

Трамп прапанаваў Канадзе доступ да абароны пад «Залатым купалам». Пры адной умове5

Грошы для былога палітвязня Андрэя Чапюка сабралі менш чым за паўсутак

У Германіі адмяняюць нядаўна ўведзеную магчымасць «экспрэс-натуралізацыі»

«Муж быў супраць таго, каб Анжаліка сустракалася з дзецьмі з іншым мужчынам». Аўтар расследавання пра Мельнікаву падзяліўся некаторымі дэталямі5

Мерц паабяцаў дапамагчы Украіне з распрацоўкай уласнай дальнабойнай зброі1

«Вінны 500 рублёў». Беларус вырашыў захоўваць зберажэнні ў еўра, але трапіў у невідавочную пастку1

Фатограф-агент Мішчук расказаў сваю версію таго, што адбылося12

У Мінску здаецца пасутачна кватэра, у якой няма дзвярэй у прыбіральню. З канапы адкрываецца від і на тэлевізар, і на ўнітаз

больш чытаных навін
больш лайканых навін

БНТУ: Выкладчык, які ўцякаў ад міліцыі, памёр ад сардэчнага прыступу

БНТУ: Выкладчык, які ўцякаў ад міліцыі, памёр ад сардэчнага прыступу

Галоўнае
Усе навіны →

Заўвага:

 

 

 

 

Закрыць Паведаміць