Эканоміка55

Літоўская мытня затрымала аўтамабіль, які пераганяў беларус

На мяжы затрымалі BMW X1, які грамадзянін Беларусі набыў у Еўропе.

Аўтамабіль, які беларус намагаўся вывезці з ЕС у Беларусь. Фота: lrmuitine.lt

Не паверылі, што набыў для асабістага карыстання

Як паведамляюць мытныя органы Літвы, калі беларус праходзіў кантроль у пункце пропуску «Шальчанінкай», мытнікі на падставе прадстаўленых даных палічылі, што ён перавозіць аўтамабілі з ЕС у трэція краіны ў камерцыйных мэтах.

У выніку BMW X1 коштам 26 230 еўра затрымалі. На беларуса, які вывозіў аўтамабіль, склалі адміністрацыйны пратакол. Яго вінавацяць у парушэнні міжнародных санкцый або абмежавальных мер, устаноўленых заканадаўствам Літвы. Чалавеку пагражае штраф і канфіскацыя аўто.

Як літоўская мытня магла прыйсці да такой высновы?

Рэч у тым, што Літва ўжо каля двух гадоў не прапускае праз сваю мяжу аўтамабілі, набытыя ў ЕС, калі за стырном знаходзіцца не пакупнік аўтамабіля, а іншы чалавек. Такіх асоб прыраўноўваюць да перавозчыкаў, а санкцыі забараняюць беларускім перавозчыкам працаваць на тэрыторыі ЕС. 

Каб абысці гэтыя абмежаванні і без перашкод перасекчы літоўска-беларускую мяжу, некаторыя перагоншчыкі набывалі аўтамабіль на сваё імя, кожны раз афармляючы экспартныя дэкларацыі (ЕХ) таксама на сябе. Верагодна, з гэтай прычыны літоўскім мытнікам удалося адсачыць, што беларус ужо не першы раз за кароткі перыяд часу купляе ў Еўропе аўтамабіль і вязе яго ў Беларусь. 

Ці можна купляць аўто для сябе?

Беларусы маюць права набываць для сябе аўтамабілі ў ЕС з любым аб'ёмам рухавіка ў незалежнасці ад кошту. Пры гэтым, яшчэ на этапе афармлення экспартнай дэкларацыі ў Літве мытня патрабуе ад грамадзян Беларусі пісаць распіску, у якой пакупнік пацвярджае, што абязуецца выкарыстоўваць машыну для асабістага карыстання, а не для перапродажу ў Расію.

Раней «Нашай Ніве» адзін з перагоншчыкаў распавядаў пра кейс, калі польская мытня адмовілася выпускаць аўтамабілі, якія былі нібыта прызначаныя для экспарту ў Казахстан. Польскі мытнік пры перавозчыку знайшоў раней экспартаваныя гэтай фірмай машыны ў продажы на расійскім сайце. 

Магчыма, і ў гэтым выпадку літоўскім мытнікам удалося знайсці інфармацыю, якая даказвае, што ўвезеныя раней беларусам машыны «для асабістага карыстання» знаходзяцца ў продажы.

Чытайце таксама:

«Пры мне шукалі аб'явы на Авіта». Беларускі перагоншчык машын з ЕС у Расію расказаў, як палякі знайшлі ўправу на яго

Чаму паток люксавых аўто ішоў праз Польшчу і як іх будуць увозіць цяпер

Не толькі люксавыя аўтамабілі. Якія яшчэ тавары могуць забараніць вывозіць з Польшчы ў Беларусь

Каментары5

  • Фэйспалм
    30.03.2024
    Трэш, акурат пра гэта і напісана, што перагона ўзялі, а не звычайнага аўтааматара, які набыў аўто для сабе. Але ў любым выпадку — шкада чалавека. Ён жа не ўкраў гэтае аўто, а купіў за свае грошы
  • Уладзімір
    30.03.2024
    [Рэд. выдалена]
  • андруша
    30.03.2024
    Фэйспалм не за свои грошы и не для себя. чего его жалеть?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Стала вядома, па якім механізме спісваліся грошы з банкаўскіх картак беларусаў падчас маштабнага збою7

Стала вядома, па якім механізме спісваліся грошы з банкаўскіх картак беларусаў падчас маштабнага збою

Усе навіны →
Усе навіны

«Не хацелі пакутаваць з беларускімі картамі на Booking». А ў выніку ледзь не трапілі на 400 еўра4

Трамп заявіў, што выступіць з важнай заявай наконт Расіі4

Упершыню расійскія вайскоўцы здаліся ў палон робатам — наватарская аперацыя ўкраінскай штурмавой брыгады7

Самая дарагая сумачка ў свеце. Сумку для Джэйн Біркін прадалі за рэкордныя $10 мільёнаў

Трамп пахваліў прэзідэнта Ліберыі за англійскую, але там гэта мова афіцыйная2

За адзін вечар тры беларускія футбольныя клубы перамаглі супернікаў з Арменіі, Македоніі і Чарнагорыі. Гэта рэкорд7

У Гомелі з'явіўся сквер Міліцыі. Гараджан не пыталіся нават фармальна4

Вялікабрытанія і Украіна падпішуць гістарычную дамову аб пастаўцы тысяч ракет для СПА

«Са студзеня Расія страціла 100 тысяч салдат. Забітымі. Не ўсяго, а забітымі»8

больш чытаных навін
больш лайканых навін

Стала вядома, па якім механізме спісваліся грошы з банкаўскіх картак беларусаў падчас маштабнага збою7

Стала вядома, па якім механізме спісваліся грошы з банкаўскіх картак беларусаў падчас маштабнага збою

Галоўнае
Усе навіны →

Заўвага:

 

 

 

 

Закрыць Паведаміць