СБУ заяўляе аб спробе замаху на Зяленскага: затрыманы двое палкоўнікаў упраўлення Дзяржаховы
Служба бяспекі Украіны заяўляе аб зрыве планаў ФСБ РФ па ліквідацыі прэзідэнта Украіны і іншых прадстаўнікоў вышэйшага ваенна-палітычнага кіраўніцтва дзяржавы.
«Контрразведка і следчыя СБУ сарвалі планы ФСБ па ліквідацыі прэзідэнта Украіны і іншых прадстаўнікоў вышэйшага ваенна-палітычнага кіраўніцтва дзяржавы.
Рэалізаваць планы павінна была агентурная сетка, якую загадзя выкрыла Служба бяспекі Украіны пры садзейнічанні кіраўніцтва Упраўлення дзяржаўнай аховы. У склад сеткі, дзейнасць якой ФСБ курыравала з Масквы, уваходзілі двое палкоўнікаў упраўлення Дзяржаховы, якія «злівалі» сакрэтную інфармацыю РФ.
Так, вораг актыўна распрацоўваў планы па ліквідацыі прэзідэнта Уладзіміра Зяленскага. Адной з задач агентурнай сеткі ФСБ быў пошук выканаўцаў сярод вайскоўцаў, набліжаных да аховы прэзідэнта, якія маглі б узяць кіраўніка дзяржавы ў заложнікі, а затым яго забіць.
Акрамя Зяленскага, вораг планаваў ліквідаваць кіраўніка СБУ Васіля Малюка, кіраўніка ГУР Кірыла Буданава і іншых высокапастаўленых чыноўнікаў», — гаворыцца ў прэс-рэлізе СБУ.
Па даных следства, падазраваныя, знаходзячыся на службе ва ўпраўленні Дзяржаховы, добраахвотна за грашовую ўзнагароду аказвалі прадстаўнікам ФСБ РФ дапамогу ў правядзенні падрыўной дзейнасці супраць Украіны. Яны перадавалі прадстаўнікам расійскай спецслужбы канфідэнцыйную інфармацыю, а таксама падрыхтавалі і хавалі сродкі і прылады для ўчынення тэрарыстычнага акта.
Для гэтага адзін з падазраваных атрымаў ад прадстаўнікоў ФСБ РФ два беспілотныя лятальныя апараты тыпу FPV-дроны і два боепрыпасы да іх. У далейшым ён павінен быў перадаць гэтыя сродкі паражэння іншым саўдзельнікам крымінальнага злачынства для ажыццяўлення выбуху.
Аб'ектам замаху прадстаўнікі ФСБ РФ вызначылі адзін з прыватных дамоў на тэрыторыі Кіеўскай вобласці, дзе нібыта павінен быў знаходзіцца ўкраінскі высокапастаўлены чыноўнік.
«Аднак такія намеры былі своечасова выкрыты і задакументаваны праваахоўнымі органамі Украіны. Такім чынам удалося прадухіліць завяршэнне злачынства, а падазроных — затрымаць», — паведамляе СБУ.
Падчас вобыскаў па месцы іх пражывання знойдзены рэчы і дакументы з доказамі злачыннай дзейнасці.
Цяпер чытаюць
Мікола Бугай: Трэба перагарнуць старонку 2020-га і пачаць жыць новымі рэаліямі53
Каментары
Шкада, што гэтага не разумее Зяленскі.
Па сцэнару кв95 увага да сябе..безкаштоўна б твар набіў..неуловімы Джо.Згодзен але на мой погляд як на " знішчэнні рф летуна" нехта падзарабіў в Украіне. Чаму не і падобнае магчыма