Грамадства1717

Сілавікі з трох усходніх абласцей ужо памаліліся перад капсулай з зямлёй. Іншыя на чарзе

«Флагшток» піша пра арганізаваную прапагандыстамі сумесна з БПЦ рэлігійна-патрыятычную акцыю пад назвай IV Усебеларускі хрэсны ход «Царква і армія», якую запусцілі 8 мая ў Гомелі. Яна цяпер праходзіць на тэрыторыі Гомельскай, Віцебскай і Магілёўскай абласцей і пры яе правядзенні заўважаюцца яўныя дзівацтвы.

Сілавікі і святары моляцца над капсулай з зямлёй. Фота: Гомельская епархія

Фармальна акцыя праводзіцца з мэтай «увекавечыць памяць і асвяціць духоўны подзвіг савецкага народа ў справе Вялікай Перамогі».

Хрэсны ход у царкоўнай традыцыі прадугледжвае шэсце з аднаго храма ў іншы або да якога-небудзь прызначанага месца — гэта значыць у выпадку з «Усебеларускім» ходам працэсія павінна была б ісці па ўсёй Беларусі, па чарзе наведваючы населеныя пункты.

Аднак, як заўважае «Флагшток», прааналізаваўшы рэгіянальную прэсу, у гэтым выпадку армейскі хрэсны ход «цудоўным чынам» размножыўся і адначасова пабываў у некалькіх гарадах трох абласцей Беларусі: Гомельскай, Магілёўскай і Віцебскай.

Так, 18 мая, паводле паведамлення Гомельскай епархіі, IV Усебеларускі хрэсны ход «Царква і армія» прыбыў у Жлобін, і ў той жа дзень газета Віцебскага аблвыканкама паведамляе, што тое ж самае мерапрыемства прайшло і ў іх. У той жа дзень акцыя пад аналагічнай назвай, паводле паведамлення мясцовай раёнкі, «прайшла па Калінкавіцкай зямлі», а магілёўская абласная газета дакладвае, што адначасова яна была і ў Шклове. 21 мая хрэсны ход адначасова быў у Віцебску і Бабруйску.

Яшчэ адным адступленнем ад царкоўнага вучэння стала тое, што падчас «Усебеларускага хрэснага ходу» святары носяць не хрысціянскія рэліквіі, а капсулы з зямлёй, молячыся над імі. Сцвярджаецца, што зямля сабраная з вайсковых пахаванняў — але нават калі гэта і так, то наўрад ці гэтая зямля можа быць прадметам культу для хрысціянскіх вернікаў.

Пры гэтым амаль усе раёнкі паведамляюць пра падзею з цытатай паслання мітрапаліта Веніяміна пра тое, што «хрэсны ход, кажучы армейскай мовай, — гэта вайсковы марш-кідок па ўсіх абласцях Беларусі».

Каментары17

  • Волат
    22.05.2024
    Землепаклоннікі! 
  • жесть
    22.05.2024
    Жесть, оккупационная церковь Москвы, устраивает с оккупационной армией манкуртов и убийц хороводы.
  • ваванпицерски
    22.05.2024
    а почему лампадки католические? 
    а???? 
    не диверссия ли это часом???
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Як Радзім Гарэцкі прамяняў кар'еру ў Маскве на Мінск і не пашкадаваў. Гісторыя жыцця 96-гадовага віцэ-прэзідэнта Акадэміі навук

Як Радзім Гарэцкі прамяняў кар'еру ў Маскве на Мінск і не пашкадаваў. Гісторыя жыцця 96-гадовага віцэ-прэзідэнта Акадэміі навук

Усе навіны →
Усе навіны

Мінская кантралёрка расказала, калі ў транспарце больш за ўсё зайцаў4

У адным з супермаркетаў знайшлася незвычайная зніжка2

Польшча пракаментавала адсутнасць сярод вызваленых журналіста Анджэя Пачобута2

Расійскі рэсурс паведаміў пра вызваленне блогера Руслана Лінніка4

На вайне ва Украіне загінуў берасцеец, што ваяваў за Расію. У 2020-м ён выратаваў дваіх дзяцей на пажары ў Маларыце15

У Вялікабрытаніі для пацярпелага ў аварыі веласіпедыста надрукавалі на 3D-прынтары частку твару

Дарадца аяталы Хаменеі: Сюрпрызы працягнуцца4

«Беларусіянізм — гучыць прыгожа». Вольга Лойка прапанавала сваю нацыянальную ідэю57

Удар па Кіеве: загінулі шэсць чалавек, шмат параненых3

больш чытаных навін
больш лайканых навін

Як Радзім Гарэцкі прамяняў кар'еру ў Маскве на Мінск і не пашкадаваў. Гісторыя жыцця 96-гадовага віцэ-прэзідэнта Акадэміі навук

Як Радзім Гарэцкі прамяняў кар'еру ў Маскве на Мінск і не пашкадаваў. Гісторыя жыцця 96-гадовага віцэ-прэзідэнта Акадэміі навук

Галоўнае
Усе навіны →

Заўвага:

 

 

 

 

Закрыць Паведаміць