Культура11

Фонд Kamunikat.org адчыніў інтэрнэт-кнігарню Kamunikat.shop

Цяпер тут можна рабіць замовы на ўсе кнігі, выдадзеныя Фондам, што працуе ў Беластоку, а таксама — на кнігі партнёрскіх выдавецкіх ініцыятываў, паведамляецца на сайце Фундацыі.

На сайце Kamunikat.shop, сярод іншага, можна замовіць манументальную кнігу «(Не)расстраляныя», усе 12 кніг Уладзіміра Арлова і новыя кнігі Барыса Пятровіча «Ад жыцця прачнуцца… Фрэскі розных гадоў» ды Змітра Бартосіка «Забіць упалмінзага». Таксама можна набыць кнігу Беларускага Гістарычнага Таварыства «Беларусы ў Польскім Войску (1919 — 1947)» аўтарства праф. Юры Грыбоўскага.

— Гэта дасканалая магчымасць для нашых кніг трапіць да больш шырокай аўдыторыі ва ўсім свеце — кажа Яраслаў Іванюк, дырэктар фундацыі Kamunikat.org. — Дагэтуль нашы кнігі прадаваліся ў асноўным на розных кніжных кірмашах з удзелам беларускіх незалежных выдавецтваў, а таксама падчас аўтарскіх сустрэч, арганізаваных Фондам і яго партнёрамі. Праўда, мы прадавалі таксама нашы кнігі ў Інтэрнэце, але гэта было вельмі па-партызанску… Цяпер гэта будзе больш проста, зручна і сучасна.

Варта дадаць, што з канца 2021 года фонд арганізаваў больш за сотню аўтарскіх сустрэч. У асноўным у Польшчы, але таксама ў Нямеччыне, Італіі, Літве, Латвіі, Эстоніі і Фінляндыі.

Зноў з’явілася «Мова» Віктара Марціновіча.

— Мы ўжо друкавалі гэтую кнігу ў Беластоку ў 2022 годзе. Цяперашняе выданне стала адказам на частыя пытанні чытачоў — дадае Яраслаў Іванюк.

Таксама неўзабаве выйдзе кніга да 100-годдзя Васіля Быкава з яго аповесцямі «Бліндаж» і «Афганец». У выдавецкіх планах і кніга журналіста «Радыё Свабода» Алега Груздзіловіча «Прыгоды дзядзі Віці на Валадарцы». Гэта «кніга вершаў для дзяцей з дарослымі», у якой аўтар тлумачыць «як гэта — быць у турме».

Перад вакацыямі павінен выйсці таксама новы дэтэктыўны раман Змітра Дзядзенкі «Гульні Цырцэй», дзеянне якога адбываецца на пачатку 1920-х гадоў у паслярэвалюцыйнай Оршы.

— Сёлета «Камунікат» плануе выданне трох кніг беларускіх класікаў, але няхай гэта пакуль застанецца таямніцай — якіх менавіта! — дадае дырэктар Фундацыі Яраслаў Іванюк.

На сайце Kamunikat.shop можна замовіць не толькі кнігі, выдадзеныя фондам Kamunikat.org. Ёсць і тыя выданні, якія з’явіліся пры падтрымцы Фонду ў супрацы з іншымі выдавецкімі ініцыятывамі.

У будучыні тут можна будзе набыць кнігі іншых незалежных беларускіх выдавецтваў.

Фонд Kamunikat.org плануе дасылаць кнігі чытачам па ўсім свеце!!!

Каментары1

  • Выдатна!
    13.06.2024
    Выдатная навіна!
    Яшчэ добра было б распрацаваць і выпускаць школьныя падручнікі для дзетак.

Цяпер чытаюць

З Oz.by неспакойна. Беларуская кампанія тры гады ў мінусе, а расійскі канкурэнт яе выціскае18

З Oz.by неспакойна. Беларуская кампанія тры гады ў мінусе, а расійскі канкурэнт яе выціскае

Усе навіны →
Усе навіны

Аб'яднаны пераходны кабінет выказаўся адносна дыкпікаў Стрыжака18

Калумбійскі порнаакцёр спачатку забіў, а пасля расчляніў двух сваіх знаёмых-брытанцаў3

«Бураць, бураць і атрымліваюць ваду». Лукашэнку давялося тлумачыць, чаму знайсці радовішчы нафты не так проста8

Ціханоўскі пасля шуміхі вакол яго слоў пра аўтаномныя «астравы» беларусаў за мяжой патлумачыў сваю пазіцыю23

Наўседа выказаўся наконт ідэі Ціханоўскага пра аўтаномныя «астравы» беларусаў у розных краінах29

У офіс расійскага тэлеграм-канала Baza прыйшлі сілавікі, галоўны рэдактар затрыманы

На плошчы Якуба Коласа ў Мінску прыбралі знакамітую тратуарную плітку з васількамі3

На некаторыя спецыяльнасці ў БДУ прахадны бал склаў 396 і 398 балаў3

Трамп плануе вывесці ЗША з ЮНЕСКА3

больш чытаных навін
больш лайканых навін

З Oz.by неспакойна. Беларуская кампанія тры гады ў мінусе, а расійскі канкурэнт яе выціскае18

З Oz.by неспакойна. Беларуская кампанія тры гады ў мінусе, а расійскі канкурэнт яе выціскае

Галоўнае
Усе навіны →

Заўвага:

 

 

 

 

Закрыць Паведаміць