Байдэн назваў сябе найбольш кваліфікаваным супернікам Трампа, ён не збіраецца пакідаць гонку
Прэзідэнт Джо Байдэн правёў у чацвер вечарам прэс-канферэнцыю, адказаўшы на вельмі складаныя пытанні журналістаў, піша «Голас Амерыкі».
Раней кіраўнік дзяржавы сутыкнуўся з заклікамі з боку часткі дэмакратаў адмовіцца ад перавыбрання на фоне сумневаў у здольнасці Байдэна, у сувязі з узроставымі кагнітыўнымі парушэннямі, а таксама яго фізічнай формай, перамагчы былога прэзідэнта Дональда Трампа.
Ва ўступным слове Байдэн сказаў: «Кожны амерыканец павінен спытаць сябе: ці стаў свет больш бяспечным? З НАТА вы ў большай бяспецы? Ваша сям'я ў большай бяспецы? Я лічу, што амерыканскі народ ведае, што адказ на ўсе гэтыя пытанні — так. І я веру, што амерыканскі народ разумее, што Амерыка становіцца мацнейшай дзякуючы нашым саюзам»»
Джо Байдэн заявіў, што яго кандыдатура на прэзідэнцкіх выбарах мацнейшая, чым кандыдатура Дональда Трампа: «Я думаю, што я найбольш кваліфікаваны, каб перамагчы яго, каб балатавацца на пасаду прэзідэнта: Я перамог яго адзін раз і я зраблю гэта зноў».
Кіраўніка Белага дома спыталі, ці лічыць ён, што віцэ-прэзідэнт Камала Харыс мае дастатковую кваліфікацыю, каб выконваць абавязкі прэзідэнта. Ён адказаў сцвярджальна, спаслаўшыся на яе прафесійную кампетэнтнасць. Байдэн таксама дадаў: «Я б не абраў яе, калі б не лічыў, што яна падыходзіць для пасады прэзідэнта».
Верагодны супернік цяперашняга прэзідэнта, рэспубліканец Дональд Трамп не будзе адданы абароне краін НАТА, дадаў Джо Байдэн, падкрэсліўшы абавязацельствы ЗША перад заходнім альянсам.
«Мой папярэднік ясна даў зразумець, што ў яго няма абавязацельстваў перад НАТА. Ён даў зразумець, што не адчувае абавязання выконваць пяты артыкул (Статута NATO)», — сказаў Байдэн на прэс-канферэнцыі.
Ён падкрэсліў, што Злучаныя Штаты «не могуць ізаляваць сябе ад свету» і запэўніў, што пад яго кіраўніцтвам Вашынгтон не адмовіцца ад падтрымкі Украіны, дадаўшы, што моцны трансатлантычны альянс неабходны для бяспекі Амерыкі.
Байдэн падкрэсліў, што вайна паміж Ізраілем і Газай павінна скончыцца зараз, паведаміўшы журналістам, што яго план спынення агню ў Газе быў узгоднены як Ізраілем, так і палесцінскай ісламісцкай групоўкай ХАМАС, але дадаў, што яшчэ засталіся нявырашаныя пытанні.
«Гэты план цяпер узгоднены як Ізраілем, так і ХАМАС. Таму я адправіў сваю каманду ў рэгіён, каб дапрацаваць дэталі», — сказаў Байдэн на прэс-канферэнцыі.
«Гэта складаныя і цяжкія пытанні. Яшчэ ёсць прабелы, якія трэба закрыць. Мы дамагаемся прагрэсу. Тэндэнцыя пазітыўная. Я поўны рашучасці завяршыць гэтую справу і пакласці канец гэтай вайне, якая павінна скончыцца зараз жа», — дадаў Байдэн.
Байдэн адзначыў, што еўрапейскія саюзнікі казалі яму падчас саміту, што ён павінен перамагчы Дональда Трампа і што другое прэзідэнцтва Трампа будзе «катастрофай».
«Я чуў, як яны казалі: вы павінны перамагчы», — сказаў Байдэн
«Ён не можа перамагчы ў бітве з часам». Вядомы акцёр Джордж Клуні заклікаў Байдэна выйсці з прэзідэнцкай гонкі
Байдэн: Украіна можа спыніць і яна спыніць Пуціна
«Я кірую гэтым светам» — Байдэн
Байдэн заявіў, што выйдзе з перадвыбарнай гонкі толькі «па ўказанні Усявышняга»
Пасля правальных тэледэбатаў Джо Байдэн паабяцаў больш спаць і не хадзіць на вячэрнія мерапрыемствы
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары