Футбольны сезон‑2010 у Беларусі пачнецца 8 сакавіка матчам за суперкубак паміж барысаўскім БАТЭ і наваполацкім «Нафтанам» і завершыцца 20 лістапада.
Такое рашэнне прыняў 4 лютага выканкам Беларускай федэрацыі футбола.
Чэмпіянат у вышэйшай лізе
стартуе 3 красавіка і ўпершыню пройдзе ў тры кругі (33 туры) з удзелам 12 камандаў.
«Каляндар носіць максімальна збалансаваны характар», — заявіў начальнік упраўлення па правядзенні спаборніцтваў Аляксандр Баранаў.
У сувязі з павелічэннем колькасці тураў чэмпіянату 1/8 фіналу Кубка Беларусі будзе складацца з аднаго матчу. З прычыны гэтага заявачны ўнёсак для каманд вышэйшай лігі складзе 110 млн. рублёў супраць 89 млн. рублёў на сезон‑2009.
Каманды першай лігі павінны ўнесці па 43,5 млн. (было 41,8 млн.), другой лігі — па 28,7 млн. (28,5 млн.).
На асобныя гульні чэмпіянату па рашэнні выканкама будуць запрашацца замежныя арбітры.
Паводле рашэння выканкама чарговая справаздачная канферэнцыя федэрацыі пройдзе 20 сакавіка.
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга146
Каментары