Бізнэсовец з Пецярбурга, які зарабляе на пахаванні загінулых на вайне, запатрабаваў ад мужчын перастаць ад'язджаць з Курска
Прапагандыст Дзмітрый Сцешын 18 жніўня апублікаваў відэа, на якім, паводле яго слоў, вайсковец крытыкуе жыхароў Курска, якія выязджаюць з-пад абстрэлаў. «Агенцтва» ўстанавіла асобу «вайскоўца». Ім выявіўся дырэктар гранітнай майстэрні з Санкт-Пецярбурга, якая вырабляе помнікі і дапамагае хаваць загінулых вайскоўцаў.
«Хочацца звярнуцца да мужчынскага насельніцтва Курска: вы там чаго, наогул, бл*дзь, усё пераблыталі? Куды вы едзеце, родныя? Калі, бл*дзь, у нас усе мужыкі будуць уключаць заднюю і з'язджаць з гарадоў, на якія будуць наносіцца ўдары, што наогул будзе? Вы што робіце? Вы не можаце ўзяць зброю ў рукі? Ну тады вазьміце рыдлёўкі, бл*дзь, капайце пацанам акопы, я не ведаю, развозьце харчаванне, бл*дзь. Куды вы едзеце?»— абураецца мужчына на відэа.
«Вы, бл*дзь, кончаныя? Я не ведаю, у нас у Пецярбургу супольнасць нашых ветэранаў цяпер уся на нервах сядзіць і думае, як бы ім узяць зброю і паехаць, як дамовіцца, каб дазволілі. Спыніцеся, бл*дзь», — заклікаў ён мясцовых жыхароў.
Паводле аналізу «Агенцтва», на відэа 39-гадовы жыхар Санкт-Пецярбурга Кірыл Сувораў (да 2020 года Уласікаў).
Ён гендырэктар кампаній «Гранітны завод 1»(Санкт-Пецярбург) і «Першы гранітны завод» (Карэлія), у другой таксама валодае доляй у 25,5%.
Кампанія «Гранітны завод 1», піша выданне, працуе пад брэндам гранітная майстэрня «СуворовЪ».
На сайце майстэрні пазначана, што кампанія ўжо шмат гадоў абслугоўвае кліентаў па ўсёй Ленінградскай вобласці. Акрамя вырабу помнікаў і надмагілляў, яна таксама прапануе паслугі крэмацыі, пахавання і дастаўкі «грузаў 200». Майстэрня абяцае сваякам загінулых вайскоўцаў дапамагчы з падрыхтоўкай папер, суправаджэннем нябожчыка і купляй квіткоў на любы від транспарту.
«Агенцтва» датэлефанавалася да Суворава. Ён паўтарыў, што лічыць няправільнай сітуацыю, калі мужчыны-жыхары Курскай вобласці з'язджаюць з зоны баявых дзеянняў. Сам ён сказаў, што ездзіць на «СВА» з гумдапамогай.
На пытанне, ці збіраецца ён сам паехаць на вайну, Сувораў адмовіўся адказваць.
Цяпер чытаюць
20-гадовая дзяўчына з Брэста запісала жартаўлівы тыкток пра смерць у ДТЗ — і ў той жа вечар разбілася6
Каментары