Беларуская мастачка з 12-гадовым сынам на эміграцыі трапіла ў бяду
Беларуская рада культуры абвясціла Тыдзень салідарнасці з мастачкай Нінай Маргаевай.
Усе данаты, якія паступяць у БРК цягам гэтага тыдня, яны перададуць Ніне.
Спадарыня Ніна Маргаева трапіла ў цяжкую сітуацыю, звязаную з нечаканай хваробай. Два гады таму яна з 12-гадовым сынам Міронам была вымушаная выехаць з Беларусі ў Польшчу, дзе атрымала статус дадатковай абароны.
У студзені 2023 года ў Варшаве ў Ніны дыягнаставалі бакавы аміятрафічны склероз (БАС). На дадзены момант гэтая хвароба з'яўляецца невылечнай.
«Я здымаю кватэру, утрымліваю сына і пакрываю ўсе выдаткі на лячэнне. У цяперашні час мой фізічны стан значна пагоршыўся (не магу рухацца без падтрымкі, рукі амаль не дзейнічаюць, худнею), і мне патрэбна дапамога апекуна, якому таксама трэба плаціць», — піша Ніна ў абвестцы на старонцы Фундацыі «Kawałek Nieba».
Беларуская рада культуры заклікае ўсіх неабыякавых далучыцца да збору. Акрамя сабраных сродкаў, якія паступяць на рахунак, таксама будуць шукаць дадатковыя магчымасці для дапамогі Ніне.
Ахвяраваць можна па гэтай спасылцы
Цяпер чытаюць
«Я наведаў самую ізаляваную краіну Еўропы». Амерыканскі блогер расказаў, як прыязджаў у Беларусь у 2020-м і 2024-м4
Каментары