Узровень злачыннасці ў Беларусі з 2018-га па 2023-ці вырас амаль на 5%.
Летась у краіне ў сярэднім рэгістравалася 930 злачынстваў на 100 тыс. чалавек. У 2018-м было істотна менш — 888.
За апошнія пяць гадоў, паводле звестак Белстата, злачыннасць знізілася ў Віцебскай і Мінскай абласцях.
А вось у астатніх рэгіёнах яна павялічылася.
Больш за ўсё злачынствы адзначаліся ў Асіповіцкім (Магілёўская вобласць) і Добрушскім (Гомельская вобласць) раёнах.
У гэтых рэгіёнах у 2023-м на кожныя 100 тыс. жыхароў фіксавалі больш за 1450 злачынстваў. Гэта ў паўтара раза вышэй, чым у сярэднім па краіне.
Трэцяе месца ў зусім не ганаровым рэйтынгу заняў яшчэ адзін раён Магілёўскай вобласці — Клічаўскі — з паказчыкам 1386 злачынстваў на 100 тыс. чалавек.
Самымі спакойнымі сталі тры заходнія раёны Віцебскай вобласці:
Шаркаўшчынскі (478 злачынстваў на 100 тыс. чалавек)
Докшыцкі (553)
Глыбоцкі (601).
Таксама агулам па краіне за 2023 год агульная колькасць злачынстваў знізілася ў параўнанні з 2022-м.
Цяпер чытаюць
Учора Мінск зноў затапіла. Чаму сталіца не гатовая да дажджоў?4
Каментары