«Самы нізкі паказчык ВУП за 27 гадоў». Улады расказалі, як эканоміка прасела пасля пачатку вайны
«У нас былі страчаныя асвоеныя раней рынкі збыту, разарваныя лагістычныя ланцужкі».
Першая намесніца старшыні Нацыянальнага статыстычнага камітэта Алена Кухарэвіч расказала БелТА, што ў 2022-м санкцыі моцна адбіліся на беларускай эканоміцы.
«У 2022 годзе Рэспубліка Беларусь сутыкнулася з беспрэцэдэнтнымі санкцыямі ў свой адрас (у дадатак да ўжо ўведзеных). Гэта, вядома, рэзка пагоршыла працу ў цэлым усёй эканомікі. Зразумела, былі ў нас страчаныя асвоеныя раней рынкі збыту, разарваныя ланцужкі лагістычныя, кааперацыйныя, узніклі нейкія праблемы з аплатай знешнегандлёвых абавязацельстваў. Была забарона на тэхналагічны імпарт, забарона наогул на імпарт асобных тавараў. Вось гэтая вось карціна перш за ўсё фармавала негатыўныя рэйтынгі, у тым ліку і Сусветнага банка», — пракаментавала першая намесніца старшыні Белстата.
Па выніках 2022 года ВУП Беларусі ўпаў прыкладна на 5%. «Гэта наогул быў самы нізкі паказчык ВУП за 27 гадоў у гісторыі нашай краіны, — прызнала Алена Кухарэвіч. Але яна сцвярджае, што аператыўныя меры, якія прыняў урад у 2023 годзе, дазволілі змяніць сітуацыю.
З мая 2023 года ВУП пачаў аднаўляцца. Па выніках мінулага года ВУП вырас на 3,9 працэнта — але гэта з улікам нізкай базы 2022-га.
Па абноўленым прагнозе Сусветнага банка ВУП Беларусі за 2024 год павялічыцца на 4%, а ў 2025-м — на 1,2%.
Цяпер чытаюць
Бетанаваць грошы — нацыянальная ідэя беларусаў? Параўналі тэмпы будаўніцтва ў Беларусі, Польшчы, Літве і Латвіі2
Каментары