Свет55

Кіпр забраў грамадзянства ў семярых расійскіх мільярдэраў і членаў іх сем'яў

Улады Кіпра адклікалі грамадзянства ў семярых расейскіх мільярдэраў са спісу Forbes. Яны былі ўладальнікамі «залатых пашпартоў», што даваліся мясцовымі ўладамі ў абмен на буйныя інвестыцыі, піша The Moscow Times.

Здымак ілюстрацыйны. Фота: imin-cyprus.com

Кіпрскае грамадзянства страцілі акцыянер «Альфа-Груп» Аляксей Кузьмічоў (уладальнік $6,6 млрд), уладальнік групы кампаній «Меркурый» Ігар Кесаеў ($5,5 млрд), заснавальнік групы «Сафмар» Міхаіл Гуцэрыеў ($3,7 млрд), заснавальнік кампаніі «Русал» Алег Дзерыпаска ($2,8 млрд), кіраўнік «Русагра» Вадзім Машковіч ($2,7 млрд), экс-старшыня Рады дырэктараў «Шарамеццева» Аляксандр Панамарэнка ($2 млрд) і саўладальнік сеткі крамаў Fix Price Сяргей Ламакін ($1,7 млрд). Таксама без кіпрскага грамадзянства засталіся іх сваякі.

Агулам рашэнне кіпрскіх уладаў закранула 86 іншаземцаў. Прозвішчы амаль усіх апублікавала мясцовае выданне Politis. Большая частка ўладальнікаў ануляваных пашпартоў — расіяне. Акрамя гэтага, у спісе фігуруюць кітайцы, жыхары арабскіх і іншых блізкаўсходніх краін, абвінавачаны ў крадзяжы $4 млрд малазійскі біржавы маклер Джо Лоўа, а таксама ўкраінскі мільярдэр Ігар Каламойскі, арыштаваны Кіевам па справе аб махлярстве і адмыванні грошай.

Сярод асноўных прычын адклікання грамадзянства: падача ілжывай інфармацыі, наяўнасць судзімасці і парушэнне ўмоў натуралізацыі. Справы інвестараў, якія трапілі ў чорны спіс, вывучыць мясцовая паліцыя.

Праграма «залатых пашпартоў» была запушчаная на Кіпры ў 2013 годзе, каб дапамагчы краіне аднавіцца пасля эканамічнага крызісу. Грамадзянства выдавалі ў абмен на ўкладанне не менш за 2 млн еўра ў мясцовую нерухомасць. За даплату пашпарты атрымлівалі і члены сем'яў інвестараў.

У 2020 годзе праграму закрылі на патрабаванне Еўрапейскага саюза, а ў самой краіне пачалася праверка яе ўдзельнікаў. У выніку высветлілася, што з 6779 пашпартоў, выдадзеных у перыяд з 2007 па 2020 год, больш за палову атрымалі асобы, якія не адпавядаюць вызначаным крытэрыям.

Пасля ўварвання Расіі ва Украіну ЕС запатрабаваў ад усіх дзяржаў, якія ўваходзяць у аб'яднанне або прэтэндуюць на гэты статус, спыніць выдачу пашпартоў або ДНЖ за інвестыцыі, а таксама пазбавіць грамадзянства звязаных з Крамлём падсанкцыйных асоб.

Каментары5

  • Хітрэнькій
    27.11.2024
    Дык а інвестыцыі ім хоць павярнулі?
  • Acab
    27.11.2024
    Дзякуй ўладам Кіпру, як дзесяць год таму рабавалі банкавыя рахункі (артыкул ўскосна згадвае крызу), першыя крокі біткоіна былі.
    Зараз ўлады далі сыгналь, што ізноў ня хочуць, каб ім грошы акумулявалі на выспу.
    Ну, мільярдэры (я не выказваю да іх асабістага стаўленьня) зьмясьцяць свае сродкі так дзе.

    А вы, скажыце, за што дзякуеце?
  • Лёлік з-пад Лімасола
    27.11.2024
    Халера якая, я тут жыву)))

Цяпер чытаюць

Канцэрт Макса Каржа пачаўся з затрымкай на дзве гадзіны. «Беларусь топ!» — крычаць і ён, і фанаты9

Канцэрт Макса Каржа пачаўся з затрымкай на дзве гадзіны. «Беларусь топ!» — крычаць і ён, і фанаты

Усе навіны →
Усе навіны

Ларыса Геніюш: чаму яна не зламалася24

Трамп: Паміж Украінай і Расіяй мае адбыцца абмен тэрыторыямі ў інтарэсах абодвух бакоў21

У Судане збілі самалёт Арабскіх Эміратаў з дзясяткамі калумбійскіх наймітаў на борце2

Пяць гадоў таму ў Беларусі адбыліся прэзідэнцкія выбары2

ЗША, Украіна і еўрапейскія саюзнікі плануюць сустрэцца ў Вялікабрытаніі перад самітам Трампа і Пуціна1

Дзе цяпер пракурорка Касьянчык, якой пасля 2020-га адмовіліся здаваць кватэру?11

Дональд Трамп заявіў, што сустрэнецца з Пуціным 15 жніўня на Алясцы10

Аліеў і Пашынян падпісалі ў Белым доме дэкларацыю аб спыненні баявых дзеянняў7

«Для палітвязняў сённяшняя публікацыя Шустэра, на жаль, не абяцае нічога добрага»11

больш чытаных навін
больш лайканых навін

Канцэрт Макса Каржа пачаўся з затрымкай на дзве гадзіны. «Беларусь топ!» — крычаць і ён, і фанаты9

Канцэрт Макса Каржа пачаўся з затрымкай на дзве гадзіны. «Беларусь топ!» — крычаць і ён, і фанаты

Галоўнае
Усе навіны →

Заўвага:

 

 

 

 

Закрыць Паведаміць