Здароўе88

Навукоўцы знайшлі ў сэрцы «міні-мозг». Што гэта азначае?

Дагэтуль лічылася, што біццё сэрца кантралюецца выключна нервовай сістэмай чалавека праз сігналы ад галаўнога мозгу. Але новае адкрыццё можа кардынальна змяніць уяўленне сусветнай навуковай супольнасці аб працы чалавечага сэрца.

Ілюстрацыйны малюнак, створаны з дапамогай штучнага інтэлекту

Каманда шведскіх навукоўцаў з Каралінскага інстытута з дапамогай найноўшых метадаў геномнай і нейрафізіялагічнай візуалізацыі выявіла, што нервовая сістэма сэрца нашмат больш складаная, чым лічылася раней.

У сэрца ёсць нейронная сетка, убудаваная ў паверхневыя пласты яе сценак. Дагэтуль гэтая сетка лічылася простай структурай, якая перадае сігналы ад галаўнога мозгу. Цяпер навукоўцы дзякуючы найноўшым метадам геномнай і нейрафізіялагічнай візуалізацыі змаглі ўбачыць дэталёвую структуру нейроннай сеткі сэрца і прыйшлі да высновы, што яна па складанасці вельмі нагадвае міні-версію галаўнога мозга і аўтаномна кіруе жыццёва важнымі функцыямі арганізма чалавека.

Эксперыменты паказалі, што «міні-мозг» сэрца гуляе ключавую ролю ў кантролі за сэрцабіццём, падобна да таго, як галаўны мозг рэгулюе рух і дыханне чалавека. Даследчыкі выявілі некалькі тыпаў нейронаў у сэрцы, кожны з якіх выконвае розныя функцыі. Адзін з тыпаў непасрэдна адказвае за рэгуляцыю сардэчнага рытму, яго адаптацыю да фізічнай актыўнасці, стрэсаў і іншых зменаў у арганізме.

«Здольнасць сэрца самастойна кантраляваць пэўныя аспекты сваёй працы можа змяніць падыходы да лячэння і дыягностыкі захворванняў. Гэта адкрывае новае поле для вывучэння ў медыцыне і навуцы», — гаворыцца ў артыкуле навукоўцаў.

На думку даследчыкаў, наступным этапам стане вывучэнне таго, як гэтая сістэма ўзаемадзейнічае з галаўным мозгам і нервовымі цэнтрамі арганізма. Зразуменне гэтых механізмаў можа дапамагчы лепш зразумець і прадухіліць захворванні, звязаныя са збоямі ў працы сэрца.

Шведскае даследаванне не толькі адкрывае новыя гарызонты ў навуцы, але і выклікае больш шырокія развагі пра ўзаемасувязь унутраных сістэм чалавека. Сэрца, якое доўгі час лічылася выключна органам, падпарадкаваным мозгу, цяпер бачыцца больш складанай сістэмай, здольнай да аўтаномнай працы і самарэгуляцыі.

Каментары8

  • Редакции
    15.12.2024
    Ребята, я понимаю, что вы под впечатлением, как легко вы можете генерировать изображения, которые кажутся вам красивыми и профессионально выглядящами (любой специалист-иллюстратор, в том числе занимающийся генерациями, скажет, что результат убогий, уж поверьте). Но вставлять ai-генерации в научные статьи - это правило дурного тона. Как и в новостные статьи, иллюстрирующие реально происходившие события (поуглите, например, правила фотобанков по использованию ai в editorial). Ну сколько ж можно. Сначала это, потом можно на фактчекинге сэкономить ради быстроты подачи. Так можно и в нехту превратиться.
  • Жвір
    15.12.2024
    Я ж казаў, а мне адказвалі, што каханьне гэта хімія ў галаве, а не памкненьні сэрца... Во вам! Цяпер ясна, чаму людзі кажуць: "сэрца падказала". Цяпер ясна, дзе жыве душа.
  • Лекар
    15.12.2024
    "Даследавальнікі" адкрылі аўтаномную нервовую сістэму, якую праходзяць усе студэнты на першых курсах медуніверсітэту. Шнобелеўскую прэмію ім!

Цяпер чытаюць

Стала вядома, па якім механізме спісваліся грошы з банкаўскіх картак беларусаў падчас маштабнага збою5

Стала вядома, па якім механізме спісваліся грошы з банкаўскіх картак беларусаў падчас маштабнага збою

Усе навіны →
Усе навіны

У Гомелі з'явіўся сквер Міліцыі. Гараджан не пыталіся нават фармальна4

Вялікабрытанія і Украіна падпішуць гістарычную дамову аб пастаўцы тысяч ракет для СПА

«Са студзеня Расія страціла 100 тысяч салдат. Забітымі. Не ўсяго, а забітымі»8

У Мінску пачалі будаваць аўтадарогу з Калодзішчаў у Калодзішчы

У Нацбанку растлумачылі прычыны тэхнічнага збою, які адбыўся з карткамі4

Не думайце, што гэта капейкі!4

«Я амаль заўсёды ў дарозе». Гісторыя бяздомнай беларускі, якая жыве ў падарожжах9

«З залатой бульбы». Беларуска знайшла дранікі за 32 рублі1

Арына Сабаленка не прайшла ў фінал Уімблдона4

больш чытаных навін
больш лайканых навін

Стала вядома, па якім механізме спісваліся грошы з банкаўскіх картак беларусаў падчас маштабнага збою5

Стала вядома, па якім механізме спісваліся грошы з банкаўскіх картак беларусаў падчас маштабнага збою

Галоўнае
Усе навіны →

Заўвага:

 

 

 

 

Закрыць Паведаміць