Польшча падчас старшынства ў ЕС будзе дамагацца ўзмацнення санкцый адносна Беларусі і Расіі
Польшча падчас свайго старшынства ў Еўрасаюзе ў першай палове 2025 года будзе трымацца паслядоўнай палітыкі ў дачыненні да Беларусі і Расіі, у тым ліку дамагацца ўзмацнення санкцый і супрацьдзейнічаць іх абыходу. Пра гэта заявіў міністр замежных спраў Польшчы Радаслаў Сікорскі, прадстаўляючы прыярытэты польскага старшынства ў сферы знешняй палітыкі.
«Дэвізам нашага старшынства з'яўляецца бяспека Еўропы. З гэтай прычыны праца старшынства будзе засяроджаная на максімальнай падтрымцы Украіны, захаванні бягучай палітыкі ў дачыненні да Расіі і Беларусі, а таксама ўмацаванні бяспекі і ўстойлівасці Еўрасаюза», — заявіў ён.
«Мэтай старшынства стане ўзмацненне санкцый Еўрасаюза супраць агрэсараў Расіі і Беларусі і барацьба з іх абыходам», — дадаў міністр.
Сікорскі анансаваў правядзенне 25 лютага канферэнцыі, прысвечанай санкцыйнай палітыцы.
«Польскае старшынства будзе імкнуцца да таго, каб Расія сутыкнулася з наступствамі сваёй агрэсіі, як юрыдычнымі, так і фінансавымі. Будзем імкнуцца заручыцца падтрымкай дзяржаў-членаў для поўнага выкарыстання замарожаных актываў цэнтральнага банка Расіі для падтрымкі Украіны», — сказаў ён.
Паводле слоў польскага міністра, Польшча таксама будзе дамагацца, каб Еўрасаюз не вяртаўся да супрацоўніцтва з РФ і Беларуссю да заканчэння агрэсіі.
Кіраўнік МЗС Польшчы: Я зачыню ўсе расійскія консульствы, калі Масква працягне дыверсіі
МЗС Польшчы хоча змяніць крытэрыі выдачы картаў паляка
«Мы не зробім ні кроку назад». У Познані закрываюць генеральнае консульства Расіі
Дуда і Туск у Сейме паспрачаліся пра беларусаў: прэзідэнт абвінаваціў прэм'ера ў тым, што ён хоча пазбавіць іх права на прытулак
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3
Каментары