На платформе «Камароўка» пакуль размешчаны 22 тавары — у асноўным кнігі.
Маркетплэйс называецца KAMAROŬKA. На сайце можна набываць тавары беларускіх прыватных прадпрыемстваў, зарэгістраваных як за мяжой, так і ў Беларусі. У маркетплэйса няма свайго складу. Прадавец сам павінен адправіць тавар пакупніку.
«Размяшчэнне аб'яў бясплатнае, — кажа адзін са стваральнікаў Зміцер Завадскі. Ён жыве ў Германіі. — Сайт спаганяе камісію з кожнага паспяховага продажу ад 5 да 15% у залежнасці ад катэгорыі тавару».
На платформе пакуль размешчана ўсяго 22 тавары. 20 з іх — кнігі, а яшчэ адна карціна і адна падвеска. Але стваральнікі плануюць, што пакупнік у будучым зможа тут набываць і беларускае адзенне, і мэблю, і касметыку, і шмат што іншае. Зміцер цяпер працуе над тым, каб прыцягнуць больш прадаўцоў.
Інтэрфэйс — на беларускай мове.
Над платформай працавалі тры гады, Змітру дапамагалі валанцёры.
«Мы спрабавалі атрымаць якое-небудзь фінансаванне, але, на жаль, наш праект не выбралі. Усё рабілася за мінімальныя сродкі», — падсумоўвае Зміцер.
Цяпер чытаюць
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат3
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1212
Каментары